اویس لغاری کا کہنا ہے کہ جنوری کے بعد بجلی کی قیمتیں کم ہونگی، آہستہ آہستہ مسائل پر قابو پانے میں کامیاب ہوجائیں گے۔

سینیٹ اجلاس میں اظہارِ خیال کرتے ہوئے وفاقی وزیرتوانائی اویس لغاری نے کہا کہ جہاں لوڈشیڈنگ ہورہی ہے وہاں لاسزکی وجہ سے بجلی نہیں دی جا رہی۔

اویس لغاری نے کہا کہ کسی صوبےکے حقوق متاثرنہیں ہورہے، آئیسکوریجن میں زیادہ مسائل نہیں،  امید ہے آہستہ آہستہ مسائل پر قابو پانے میں کامیاب ہوجائیں گے۔

وزیرتوانائی اویس لغاری نے کہا کہ بجلی کےلائن لاسز پر قابوپانے کی کوشش کریں گے، بلوچستان کو10ہزارمیگاواٹ بجلی دینے کو تیارہیں۔ بلوچستان میں زرعی صارفین کو تین گھنٹے تک بجلی دے رہے ہیں

سینیٹ میں اظہارِ خیال کرتے ہوئے انھوں نے کہا حکومت کی کوشش ہےکہ عوام پربوجھ نہ ڈالاجائے۔ بلوچستان سے متعلق وزیراعظم نے ان لائن اجلاس کیا۔ بلوچستان انتظامیہ سے میٹنگ سولرسے متعلق تھی۔

اویس لغاری نے کہا کہ چھ سو ارب روپے سالانہ کے بجلی کے شعبے کے نقصانات ہیں۔ نقصانات کم ہونے سے بجلی کی فی یونٹ کمی ہو سکتی ہے۔ حکومت نے ملک کے لئے چارسو چالیس ارب روپے کی سبسڈی دے گی۔ دوسے نو فیصد گھریلو صارفین پراضافہ ہوگا۔

وزیرتوانائی نے کہا کہ جنوری کے بعد بجلی کی قیمتیں کم ہونگی، گھریلو صارفین پرسات سے نو فیصد کی رینج میں اضافہ ہوگا۔  اڑھائی کروڑ گھریلو صارف بجلی کی کم قیمت ادا کررہا ہے۔ پینتیس روپے سے کم قیمت دینے والا سبسڈی استعمال کر رہا ہے۔ ہم تسلیم کرتے ہیں کہ بجلی کی قیمتیں زیادہ ہیں۔