فرانسیسی اسٹار فٹبالر کائلان ایمباپے ریال میڈرڈ کا حصہ بن گئے، اس موقع پر انہوں نے خوشی کا اظہار کرتے ہوئے کہا کہ آج میرا بچپن کا خواب پورا ہوگیا۔
غیر ملکی خبررساں ادارے کے مطابق اسپین کے دارالحکومت میڈرڈ کے سینٹیاگو برنابیو اسٹیڈیم میں موجود 80 ہزار تماشائیوں کی موجودگی میں فرانسیسی اسٹرائیکر نے ہسپانوی کلب ریال میڈرڈ سے 5 سالہ معاہدے پر دستخط کیے اور کلب کے صدر فلورینٹینو پیریز کی طرف سے انہیں 9 نمبر کی شرٹ دی گئی۔
کائلان ایمباپے نے کہا کہ میں پڑھائی میں بالکل بھی اچھا نہیں تھا لیکن میرا یہ خواب تھا کہ میں ریال میڈرڈ کے لیے کھیلوں اور اب میں اس بات کو یقینی بناؤں گا کہ اس تاریخی کلب کو مزید اونچائیوں پر لے کر جاؤں۔
امباپے نے کہا کہ میں آپ سب کو ایک پیغام دینا چاہتا ہوں کہ میں بھی آپ جیسا تھا لیکن میں نے ایک خواب دیکھا اور آج اسے پورا کردیا، میرا ماننا ہے کہ جذبے کے ساتھ آپ جو چاہیں کرسکتے ہیں۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
