علی امین گنڈا پور کے پاس ورکرز کو دینے کیلئے پیسے ہیں، امیر مقام

ویب ڈیسک

22nd Aug, 2024. 07:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

علی امین گنڈا پور کے پاس ورکرز کو دینے کیلئے پیسے ہیں، امیر مقام

ہمارا ایجنڈا عوام کی زندگیوں میں آسانیاں پیدا کرنا ہے، امیر مقام

وفاقی وزیر امیر مقام کا کہنا ہے کہ علی امین گنڈا پور کے پاس ورکرز کے دینے کے لیے پیسے ہیں۔

انجنیئر امیر مقام کا کہنا تھا کہ علی امین گنڈا پور کے پاس کے پی عوام کو ریلیف دینے کے لیے پیسے نہیں مگر 5،5 ہزار روپے اسلام آباد پر حملے کے لیے ہیں۔

انہوں نے کہا کہ خیبر پختونخوا عوام کو بجلی بلز میں ریلیف دینے کیلئے پیسے نہیں ہیں اور اسلام آباد پر حملے کیلئے سرکاری وسائل کو استعمال کیا جا رہا ہے۔

وفاقی وزیر نے کہا کہ علی امین گنڈا پور نے کہا تھا جلسہ نہ کیا تو سیاست چھوڑ دوں گا، علی امین گنڈا پور نے سیاست چھوڑنے کی جو بات کی اب وہ پوری کریں۔

ان کا کہنا تھا کہ ہمیں علم ہے کہ یہ صبح کیا بات کرتے ہیں اور رات کو کیا بات کرتے ہیں، حملہ اس لیے کیا جا رہا ہے کیوں کہ مہنگائی 3 سال کی کم ترین سطح پر ہے۔

انہوں نے کہا کہ بلڈوزر، کرین اور کھدائی والی مشینوں سے بجلی سستی نہیں ہو گی۔

وفاقی وزیر امیر مقام نے مزید کہا کہ علی امین گنڈا پور وزیراعلیٰ نہیں ولن بننے کی کوشش کر رہے ہیں۔