جتنے مرضی اتحاد بنائیں، نعرے لگائیں، سزائیں ضرور ملیں گی، طلال چوہدری

ویب ڈیسک

01st Aug, 2024. 06:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جتنے مرضی اتحاد بنائیں، نعرے لگائیں، سزائیں ضرور ملیں گی، طلال چوہدری

طلال چوہدری نے کہا ہے بانی پی ٹی آئی مقدمات سے جان چھڑوانا چاہتے ہیں۔ جتنے مرضی اتحاد بنائیں اورجتنے مرضی نعرے لگائیں، سزائیں ضرور ملیں گی۔

رہنمان لیگ طلال چوہدری نے اہم ویڈیو بیان میں کہا ہے کہ پی ٹی آئی رہنماؤں نے ایک بارپھرپرانامؤقف ہی دہرایا ہے، ان سےرہا نہیں جاتا، ان کااصل چہرہ تھوڑے دنوں میں باہرآ جاتا ہے، بانی پی ٹی آئی مقدمات سے جان چھڑوانا چاہتے ہیں۔

طلال چوہدری نے کہا کہ پی ٹی آئی والے کہتے ہیں کہ تحفظ آئین اتحاد بنائیں گے، یہ بانی پی ٹی آئی کی غلط کاریاں چھپانے کی کوشش ہے، اگرچوری نہ کی ہوتوڈرنہیں ہوتا، کبھی آپ کوسپہ سالارنہیں پسند، کبھی آپ کومنصف اعلیٰ نہیں پسند۔ آپ کی چیخ وپکاربتارہی ہے کہ آپ جھوٹے ہواورچورہو۔

رہنمان لیگ طلال چوہدری نے کہا کہ توشہ خانہ ایک ایسی داستان ہے کہ عوام کا سرشرم سے جھک جاتا ہے، انہوں نے توشہ خانہ میں کچھ نہیں چھوڑا، ہرچیزہضم کرلی، جتنے مرضی اتحاد بنائیں اورجتنے مرضی نعرے لگائیں، سزائیں ضرور ملیں گی۔

طلال چوہدری نے کہا کہ آپ نے کبھی نہیں بتایا کہ خیبرپختونخوامیں آپ نے کیاسہولتیں دیں؟ انہوں نے صرف اداروں اوران کے سربراہوں پرتنقید کی، انہوں نے ایک بارپھر9 مئی والا ہی مؤقف دہرایا ہے، آج پھریہ لوگ اداروں پرحملہ آورہوئےہیں۔