سی ٹی ڈی نے سانحہ موسٰی خیل کی تحقیقات کا آغاز کر دیا

ویب ڈیسک

28th Aug, 2024. 05:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سی ٹی ڈی نے سانحہ موسٰی خیل کی تحقیقات کا آغاز کر دیا

سانحہ موسیٰ خیل سمیت بلوچستان کے دیگرعلاقوں میں بدامنی کے واقعات کے بارے میں بڑے پیمانے پرتحقیقات کا آغازکردیا گیا ہے۔

ذرائع حکومت کا کہنا ہے کہ 25اور26 اگست کی درمیانی شب پیش آنے والے واقعات کے بارے میں تحقیقات سی ٹی ڈی کررہی ہے، 25 اور 26 اگست کی درمیانی شب بلوچستان کے دس سے زائد اضلاع میں دہشت گردی کے واقعات پیش آئے۔

حکومتی ذرائع کے مطابق موسیٰ خیل، قلات، لسبیلہ، مستونگ اور کچھی کے اضلاع میں بڑے حملے کیے گئے، سب سے زیادہ انسانی جانوں کا ضیاع موسیٰ خیل کے علاقے راڑہ ہاشم میں پیش آنے والے واقعہ میں ہوا۔

عینی شاہدین کے مطابق اس علاقے میں پنجاب اور بلوچستان کے درمیان چلنے والی گاڑیوں سے لوگوں کو اتارا گیا۔

ذرائع حکومت کا کہنا ہے کہ دہشت گردوں کی فائرنگ سے 22 مسافر شہید اور5 زخمی ہوئے، موسیٰ خیل میں شہید ہونے والے 22 افراد میں سے 20 کا تعلق پنجاب سے تھا۔

حکومتی ذرائع کے مطابق شہید ہونے والے دو دیگر افراد کا تعلق بلوچستان کے اضلاع دکی اور لورالائی سے تھا۔