طلال چوہدری کا کہنا ہے کہ پی ٹی آئی انقلاب نہیں اقتدار چاہتی ہے۔ پی ٹی آئی کے اندر پارٹی پر قبضے کی جنگ جاری ہے۔ 

رہنما مسلم لیگ ن طلال چوہدری نے پی ٹی آئی کی سیاست اور جلسوں سے متعلق میڈیا سے اہم گفتگو کرتے ہوئے کہا کہ 190 ملین پاؤنڈ کیس میں انہیں پتہ ہے سزا ہوگی، یہ انقلاب نہیں اقتدار چاہتے ہیں۔ خیبرپختون خوا میں سوائے لوٹ مار کے کچھ نہیں ہو رہا۔

طلال چوہدری نے کہا کہ یہ اقتداربھی کسی کا سہارا لے کرچاہتے ہیں، دھرنے، لانگ مارچ اپنی سزاؤں سے بچنے کے لیے کرتے ہیں، یہ اپنے مقدمات میں این آراو چاہتے ہیں۔ انقلاب کام کرنے اور کارکردگی سے آتا ہے۔

مسلم لیگ ن کے رہنما نے کہا کہ کے پی میں وزیرلڑرہے ہیں کہ مجھے بھی حصہ دو، بشریٰ بی بی، علیمہ خان پارٹی کے لیے لڑ رہی ہیں، لوگ نہیں نکلتے تو یہ جلسے کی تاریخ دے کر واپس لیتے ہیں۔

طلال چوہدری نے کہا کہ فیض حمید کی گرفتاری کے بعد پی ٹی آئی میں فیصلہ سازی ختم ہوچکی ہے، پی ٹی آئی میں فیصلہ کرنے والا کوئی اور تھا، پی ٹی آئی میں نہ فیصلے ہو رہے ہیں نہ انہیں سمجھ  آ رہی ہے۔

انھوں نے کہا ہکہ پی ٹی آئی کسی کے کندھے پربیٹھ کر اقتدارچاہتی ہے۔ بانی پی ٹی آئی این آر او چاہتے ہیں۔ بانی پی ٹی آئی کی کال پر کوئی باہر نہیں نکلا۔  پی ٹی آئی کے اندر پارٹی پر قبضے کی جنگ جاری ہے۔