بلوچستان کے مختلف علاقوں میں دہشت گردوں کے بزدلانہ حملے، آئی ایس پی آر

ویب ڈیسک

26th Aug, 2024. 05:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان کے مختلف علاقوں میں دہشت گردوں کے بزدلانہ حملے، آئی ایس پی آر

آئی ایس پی آر کا کہنا ہے کہ بلوچستان کے مختلف علاقوں میں دہشت گردوں نے بزدلانہ حملے کیے۔

پاک فوج کے شعبہ تعلقات عامہ (آئی ایس پی آر) کے مطابق فورسز نے دہشت گردوں کے مذموم عزائم کو کامیابی کیساتھ ناکام بنایا۔

سیکیورٹی فورسز کی جوابی کارروائی میں 21 دہشت گرد ہلاک جہنم واصل ہو گئے جبکہ آپریشن کے دوران 14 جوانوں نے جام شہادت نوش کیا۔

آئی ایس پی آر کے مطابق پاک فوج کے 10 اور دیگر قانون نافذ کرنے والے اداروں کے 4 اہلکار شہید ہوئے۔

آئی ایس پی آر کا کہنا تھا کہ 25،26 اگست کی رات دہشت گردوں نے بلوچستان کے مختلف علاقوں میں حملے کیے، موسیٰ خیل میں دہشت گردوں نے بس کو روکا اور معصوم شہریوں کو نشانہ بنایا۔

آئی ایس پی آر کے مطابق بزدلانہ کارروائیوں میں موسیٰ خیل، قلات اور لسبیلہ میں شہریوں کو نشانہ بنایا گیا، دہشت گردوں کا مقصد بلوچستان کے پُرامن ماحول اور ترقی کو متاثر کرنا تھا۔

آئی ایس پی آر کا مزید کہنا تھا کہ دہشت گردوں کی پشت پناہی کرنے والوں کو انصاف کے کٹہرے میں لایا جائے گا، سیکیورٹی فورسز کا علاقوں میں کلیئرنس آپریشن جاری ہے۔