راولپنڈی ٹیسٹ، پہلے دن بنگلہ دیش کا پلڑا بھاری، پاکستان کے 4 وکٹوں پر 158 رنز

ویب ڈیسک

22nd Aug, 2024. 12:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

راولپنڈی ٹیسٹ، پہلے دن بنگلہ دیش کا پلڑا بھاری، پاکستان کے 4 وکٹوں پر 158 رنز

بنگلہ دیش کے خلاف ٹیسٹ سیریز کے پہلے ٹیسٹ میچ کے پہلے دن پاکستان نے 4 وکٹوں کے نقصان پر 158 رنز بنا لیے۔

بنگلہ دیش کے کپتان نے ٹاس جیت کر پاکستان کو پہلے بیٹنگ کی دعوت دی، بنگلہ دیشی بولرز نے اوور کاسٹ کنڈیشن کا فائدہ اٹھاتے ہوئے 16 رنز پر 3 پاکستانی بیٹرز کو پویلین واپس بھیج دیا تھا۔

اوپنر عبداللہ شفیق 2، شان مسعود 6 اور بابر اعظم کوئی رن بنائے بنا پویلین لوٹ گئے۔

چوتھی وکٹ کی شراکت میں صائم ایوب اور سعود شکیل کے درمیان 98 رنز کی پارٹنر شپ پاکستان کو میچ میں واپس لے آئی، صائم ایوب 56 رنز بنا کر آؤٹ ہوئے۔

پہلے دن کے اختتام پر سعود شکیل 57 رنز اور محمد رضوان 24 رنز کے ساتھ کریز پر موجود ہیں۔

راولپنڈی ٹیسٹ کے پہلے دن 41 اوورز کا میچ ہو سکا، بنگلہ دیش کی جانب سے شریف الاسلام اور حسن محمود نے 2،2 وکٹیں حاصل کیں۔

راولپنڈی ٹیسٹ میچ کے دوسرے دن کا کھیل کل صبح 10 بجے دوبارہ شروع ہو گا۔