سینیٹرشیری رحمان، سینیٹرانوارالحق کاکڑ اور عرفان صدیقی کا کہنا ہے کہ دہشت گردی کرنے والے رعایت کے مستحق نہیں۔ اچھےاوربرے دہشت گردوں کے فرق کوروکنا ہوگا۔ 

سینیٹ کے اجلاس میں اظہارِ خیال کرتے ہوئے سینیٹر شیری رحمان نے کہا کہ بلوچستان واقعہ کی جتنی مذمت کی جائےکم ہے، دہشت گردوں سے مذاکرات نہیں ہونے چاہئیں۔

سینیٹرشیری رحمان نے کہا کہ دہشت گردی کے خلاف جنگ میں 80 سے 90 ہزارشہادتیں ہوئیں، اس وقت ہمیں اجتماعی سوچ کی ضرورت ہے، ہمیں اچھےاوربرے دہشت گردوں کے فرق کوروکنا ہوگا۔

شیری رحمان نے کہا کہ نیشنل ایکشن پلان پرعملدرآمد کرنا ہوگا۔

سینیٹرانوارالحق کاکڑنے کہا کہ بلوچستان میں ہونے والے واقعات سے ہرفردغمزدہ ہے، تسلیم نہیں کرتا کہ یہ پنجابیوں اوربلوچیوں کی لڑائی ہے، وہ پاکستانی جو ریاست کے ساتھ کھڑے ہیں دہشت گردان کے خلاف ہوتے ہیں۔

انوارالحق کاکڑ نے کہا کہ اس حوالے سے نیشنل سیکیورٹی کمیٹی کا اجلاس ہونا چاہیے، تمام گروہوں کے ساتھ مذاکرات کرنے چاہئیں۔

سینیٹ اجلاس میں عرفان صدیقی نے کہا کہ کسی بھی حوالے سے دہشت گردی کرنے والے رعایت کے مستحق نہیں، ہمارا ہدف ہونا چاہیے کہ دہشت گردی کا خاتمہ کیسےکرنا ہے۔

عرفان صدیقی نے کہا کہ ہمارے ملک میں مختلف اقسام کی دہشت گردیاں ہورہی ہیں، دہشت گردی میں جتنی لاشیں گریں اتنی جنگوں میں بھی نہیں گریں۔

انھوں نے مزید کہا کہ ایک کمیٹی بنا کرقابل عمل تجاویزدی جائیں، اس معاملے پرپوائنٹ اسکورننگ نہیں ہونی چاہیے۔