سمندری طوفان کے حوالے سے پی ڈی ایم اے سندھ نے الرٹ جاری کر دیا

ویب ڈیسک

30th Aug, 2024. 06:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سمندری طوفان کے حوالے سے پی ڈی ایم اے سندھ نے الرٹ جاری کر دیا

سمندری طوفان کے حوالے سے پی ڈی ایم اے سندھ نے الرٹ جاری کر دیا۔ سمندری طوفان کی وجہ سے سمندر میں شدید طغیانی ہوگی۔

پی ڈی ایم اے سندھ کا کہنا ہے کہ ہواؤں کی رفتار50 تا 60 کلو میٹرجبکہ 70 کلومیٹر فی گھنٹہ کی رفتار سے جھکڑ چل سکتے ہیں۔

پی ڈی ایم اے سندھ نے شہریوں کو ساحل کے قریب نہ جانے کی ہدایت کرتے ہوئے بیان میں کہا کہ معمول سے زائد بلند لہریں جانی نقصان کا سبب بن سکتی ہیں۔ سندھ کے ساحلی علاقے زیرآب آنے کا امکان ہے۔

پی ڈی ایم اے کے مطابق آندھی یا تیزہواؤں سے کمزورانفرااسٹرکچر سمیت دیگر کو نقصان پہچنے کا اندیشہ ہے، شدید گرج چمک سے بجلی گرنے کے امکانات بھی ہیں۔

پی ڈی ایم اے سندھ نے شہریوں کو کمزورانفراسٹرکچر، درخت، الیکٹرک پول، سولر پینلز سمیت ہورڈنگز کے قریب نہ جانے اوربجلی کی تنصیبات کو چھونے سے گریز کرنے کی ہدایت کی ہے۔

پی ڈی ایم اے سندھ کا کہنا ہے کہ بارش اورتیزہواؤں کی صورت میں غیر ضروری گھروں سے باہرنہ نکلیں، متعلقہ اداروں کو نشیبی علاقوں سے پانی کی نکاسی کا نظام بہترکرنے اورجان بچانے والی ادویات، خشک راشن سمیت دیگر ضروری اشیا ذخیرہ کرنے کی ہدایت کی ہے۔