سیکیورٹی فورسز اورخوارجیوں کے درمیان فائرنگ کا تبادلہ، 4 خوارج جہنم واصل، پاک فوج کے 3 جوان شہید

ویب ڈیسک

10th Aug, 2024. 12:11 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سیکیورٹی فورسز اورخوارجیوں کے درمیان فائرنگ کا تبادلہ، 4 خوارج جہنم واصل، پاک فوج کے 3 جوان شہید
مغربی سرحد پر کشیدگی ، وزیراعظم نے اجلاس طلب کر لیا ، اہم فیصلے متوقع
پاکستان اور افغانستان کے درمیان دوحہ میں مذاکرت آج ہونگے، طالبان رجیم کی تصدیق
پاکستان کی کریڈٹ ریٹنگ میں بہتری اصلاحاتی اقدامات کا عالمی اعتراف ہے، وزیرِ خزانہ

Now Reading:

سیکیورٹی فورسز اورخوارجیوں کے درمیان فائرنگ کا تبادلہ، 4 خوارج جہنم واصل، پاک فوج کے 3 جوان شہید

ضلع خیبر کی وادی تیراہ میں فورسز اور خوارجیوں کے درمیان فائرنگ کا تبادلہ، ہوا جس کے نتیجے میں 4 خوارج جہنم واصل ہو گئے، جبکہ پاک فوج کے 3 جوان بھی شہید ہوئے۔

پاک فوج کے شعبہ تعلقات عامہ کے مطابق پاک فوج کے جوان خوارجیوں کے ساتھ بہادری سے لڑتے ہوئے شہید ہوئے۔

شہداء میں حوالدار انعام گل، سپاہی محمد عمران اور سپاہی الطاف خان شامل ہیں۔

آئی ایس پی آر کا کہنا ہے کہ علاقے میں پائے جانے والے خوارج کو ختم کرنے کے لیے کلیئرنس آپریشن جاری ہے، فورسز دہشتگردی کی لعنت کو ختم کرنے کے لیے پُرعزم ہیں۔

آئی ایس پی آر ن کہا کہ بہادر سپاہیوں کی قربانیاں ہمارے عزم کو مزید مضبوط کرتی ہیں۔

وطن پر قربان ہونے والے شہداء میں 37 سالہ حوالدار انعام گل کا تعلق میانوالی سے ہے، حوالدار انعام گل نے پاک فوج میں 15 سال 6 ماہ دفاع وطن کی خدمات سرانجام دیں۔

سپاہی محمدعمران شہید کی عمر 29 برس اور ضلع ٹانک کے رہائشی ہیں، سپاہی محمدعمران شہید نے پاک فوج میں 9 سال تک دفاع وطن کی خدمات سر انجام دیں۔

آئی ایس پی آر کے مطابق سپاہی محمد الطاف خان شہید کی عمر 22 سال اور تعلق ضلع مردان سے ہے، سپاہی محمد الطاف خان شہید نے 2 سال تک وطن عزیز کے دفاع کی خدمات سرانجام دیں۔