ضلع خیبر کی وادی تیراہ میں فورسز اور خوارجیوں کے درمیان فائرنگ کا تبادلہ، ہوا جس کے نتیجے میں 4 خوارج جہنم واصل ہو گئے، جبکہ پاک فوج کے 3 جوان بھی شہید ہوئے۔

پاک فوج کے شعبہ تعلقات عامہ کے مطابق پاک فوج کے جوان خوارجیوں کے ساتھ بہادری سے لڑتے ہوئے شہید ہوئے۔

شہداء میں حوالدار انعام گل، سپاہی محمد عمران اور سپاہی الطاف خان شامل ہیں۔

آئی ایس پی آر کا کہنا ہے کہ علاقے میں پائے جانے والے خوارج کو ختم کرنے کے لیے کلیئرنس آپریشن جاری ہے، فورسز دہشتگردی کی لعنت کو ختم کرنے کے لیے پُرعزم ہیں۔

آئی ایس پی آر ن کہا کہ بہادر سپاہیوں کی قربانیاں ہمارے عزم کو مزید مضبوط کرتی ہیں۔

وطن پر قربان ہونے والے شہداء میں 37 سالہ حوالدار انعام گل کا تعلق میانوالی سے ہے، حوالدار انعام گل نے پاک فوج میں 15 سال 6 ماہ دفاع وطن کی خدمات سرانجام دیں۔

سپاہی محمدعمران شہید کی عمر 29 برس اور ضلع ٹانک کے رہائشی ہیں، سپاہی محمدعمران شہید نے پاک فوج میں 9 سال تک دفاع وطن کی خدمات سر انجام دیں۔

آئی ایس پی آر کے مطابق سپاہی محمد الطاف خان شہید کی عمر 22 سال اور تعلق ضلع مردان سے ہے، سپاہی محمد الطاف خان شہید نے 2 سال تک وطن عزیز کے دفاع کی خدمات سرانجام دیں۔