ملک بھر میں بیٹری چارجنگ اسٹیشنز کے قیام کا مسودہ تیار

ویب ڈیسک

19th Aug, 2024. 11:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک بھر میں بیٹری چارجنگ اسٹیشنز کے قیام کا مسودہ تیار

وفاقی حکومت نے ملک بھر میں الیکٹرک گاڑیوں کی چارجنگ کے لیے بیٹری چارجنگ اسٹیشنز کے قیام کا مسودہ تیار کر لیا ہے۔

پاور ڈویژن نے الیکٹرک گاڑیوں، موٹرسائیکل اور رکشہ کے فروغ کے لیے اہم قدم اٹھایا ہے اور ملک بھر میں بیٹری چارجنگ اسٹیشنز قائم کرنے کا مسودہ تیار کر لیا گیا ہے۔

پاور ڈویژن کے مطابق چارجنگ اسٹیشنز کو سستی بجلی فراہم کرنے پر غور ہو رہا ہے، چارجنگ اسٹیشنز کا قیام عالمی معیار کے مطابق عمل میں لایا جائے گا۔

وفاقی وزیر توانائی سردار اویس لغاری کا کہنا تھا کہ اسٹیک ہولڈرز سے مشاورت کے بعد مسودہ جلد پاور ڈویژن سے منظور کرایا جائے گا۔

چارجنگ اسٹیشن کے لیے بجلی کے کنکشنز ترجیجی بنیاد پر دیئے جائیں گے اور چارجنگ اسٹیشنز کو سستی بجلی کی فراہمی پر بھی غور کیا جا رہا ہے۔

انہوں نے کہا کہ چارجنگ اسٹیشن کے لیے بجلی کی سپلائی اور وولٹیج کو یقینی بنایا جائے گا ان اقدامات سے پٹرول پر چلنے والی گاڑیوں کے اخراجات میں کمی ہو گی۔

وفاقی وزیر توانائی سردار اویس لغاری کا مزید کہنا تھا کہ اقدامات کے نفاذ سے پاکستان میں ایک نئے دور کا آغاز ہو گا، چارجنگ بیٹریز کی ٹیسٹنگ کیلئے معیاری ٹیسٹنگ سینٹرز قائم کیے جائیں گے۔