بجلی بلوں میں ریلیف دینے کے لیے پی ایس ڈی پی میں مزید 4 سو ارب کٹوتی کی تجویز

عمر حیات خان

06th Aug, 2024. 02:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجلی بلوں میں ریلیف دینے کے لیے پی ایس ڈی پی میں مزید 4 سو ارب کٹوتی کی تجویز

اسلام آباد: بجلی بلوں میں ریلیف دینے کے لئے حکومت کی پی ایس ڈی پی میں مزید 4 سو ارب کٹوتی کی تجویز۔

ذرائع کے مطابق رواں مالی سال کے لئے پی ایس ڈی پی میں مزید 4 سو ارب کٹوتی کی تجویز ہے جب کہ پی ایس ڈی پی میں دوسری مرتبہ کٹوتی بجلی بلوں میں ریلیف دینے کے لئے ہوگی، پراجیکٹس کے لئے ترقیاتی بجٹ کا سائز 7 سو ارب روپے تک محدود ہوجائے گا۔

تجویز دی گئی ہے کہ وفاق پی ایس ڈی پی سے کٹوتی کے علاوہ مزید 11 سو ارب کا بندوبست کرے گا، وفاق اور صوبے مل کر رقم کا بندوبست کریں گے، وفاق 15 سو ارب دے گا۔

ذرائع کا کہنا ہے کہ 3 ہزار ارب روپے سے زائد کا فنڈ کیپیسٹی پیمنٹ اور گردشی قرضے میں ایڈجسٹ ہوگا، پی ایس ڈی پی میں پہلی کٹوتی 250 ارب دوسری کٹوتی 50 ارب روپے کی گئی۔

ذرائع نے بتایا کہ صوبے 15 سو ارب سالانہ ترقیاتی پلان سے کم کرکے وفاق کو دیں گے، 3 سے 5 سال کے لئے کیپیسٹی پیمنٹ اور گردشی قرضے کی مد میں ایڈجسٹ کیا جائے گا۔

ذرائع نے کہا کہ وزیراعظم شہبازشریف نے وزارت خزانہ اور وزارت توانائی کو ٹاسک سونپا ہے، بجلی بلوں میں ریلیف کے لئے تجویز پر آئی ایم ایف سے ابھی مشاورت نہیں ہوئی۔

ذرائع کا مزید کہنا تھا کہ وزیراعظم کی حتمی منظوری کے بعد آئی ایم ایف کے ساتھ مشاورت کی جائے گی، ایگزیکٹو بورڈ اجلاس سے قبل تجویز کو آئی ایم ایف سے ڈسکس نہیں کیا جائے گا۔