پرویزالٰہی کانام پاسپورٹ کنٹرول لسٹ سے نکلوانے کی درخواست پر وفاق اور ایف آئی اے کو نوٹس

عبدالرحمان

02nd Sep, 2024. 10:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پرویزالٰہی کانام پاسپورٹ کنٹرول لسٹ سے نکلوانے کی درخواست پر وفاق اور ایف آئی اے کو نوٹس

لاہور ہائی کورٹ نے چوہدری پرویز الٰہی، راسخ الہیٰ اور زارا الٰہی کے نام پاسپورٹ کنٹرول لسٹ سے نکلوانے کی درخواست پروفاقی حکومت اور ایف آئی اے کو نوٹس جاری کرتے ہوئے جواب طلب کرلیا۔

جسٹس شمس محمود مرزا نے درخواستوں پر سماعت کی۔ وفاقی حکومت کی طرف سے اسسٹنٹ اٹارنی جنرل شیراز ذکا پیش ہوئے۔ پرویز الہی کے وکیل ابوذرسلمان نیازی نے دلائل دیے۔

وکیل درخواست گزار نے مؤقف اپنایا کہ چوہدری پرویز الٰہی سینئرسیاستدان ہیں۔ چوہدری پرویز الٰہی فیملی کے ساتھ عمرہ کی ادائیگی کیلئے سعودیہ جانا چاہتے ہیں۔

درخواست میں مؤقف اختیار کیا گیا کہ عدالت نے درخواست گزاروں کے نام ای سی ایل سے نکالنے کا حکم دیا تھا۔ ایف آئی اے نے بے بنیاد سیاسی کیسوں کی بنا پر نام پی سی ایل میں ڈلوایا۔ عدالت نام پی سی ایل سے نکالنے کا حکم دے۔