بلوچستان اسمبلی کے حلقہ پی بی 27 کیچ کے نتائج سپریم کورٹ میں چیلنج

ویب ڈیسک

21st Sep, 2024. 01:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان اسمبلی کے حلقہ پی بی 27 کیچ کے نتائج سپریم کورٹ میں چیلنج

بلوچستان اسمبلی حلقہ پی بی 27 کیچ کے نتائج کا معاملہ

بلوچستان اسمبلی کے حلقہ پی بی 27 کیچ کے نتائج کو سپریم کورٹ میں چیلنج کر دیا گیا۔

جمیل احمد دشتی نے مسلم لیگ ن کے برکت علی کی کامیابی چیلنج کی۔ اپیل میں مؤقف اختیار کیاا گیا کہ آٹھ فروری کو ریٹرننگ افسر کو فارم 45 اور دوبارہ گنتی کی درخواست دی۔

جمیل احمد دشتی کی جانب سے اپیل میں استدعا کی گئی کہ ریٹرننگ افسر نے فارم 45 فراہم کیے نہ دوبارہ گنتی کرائی، حلقے میں بوگس ووٹ ڈالے گئے، فرانزک کرایا جائے۔

وکیل درخواست گزارکی جانب سے اپیل میں کہا گیا کہ الیکشن ٹربیونل نے میرٹ پر کیس سننے کے بجائے تکنیکی نکات پر درخواست خارج کی، الیکشن ٹربیونل نے جمیل دشتی کی درخواست ناقابل سماعت قرار دیتے ہوئے خارج کر دی تھی۔

اپیل میں یہ سپریم کورٹ سے یہ بھی استدعا کی گئی کہ الیکشن ٹربیونل نے قرار دیا تھا کہ درخواست کیساتھ لگائے گئے بیان حلفی مجاز افسر سے تصدیق شدہ نہیں، الیکشن ٹربیونل نے قانون کا درست جائزہ نہیں لیا، فیصلہ کالعدم قرار دیا جائے۔