پاکستان کرکٹ کے تین بڑوں کی کنکشن کیمپ کے انعقاد پر پریس کانفرنس میں اپنے خیالات کا اظہار کیا۔

پاکستان کرکٹ بورڈ کے سی او سلمان نصیر نے پریس کانفرنس میں بتایا کہ آج ہمارے کنکشن کیمپ کا مقصد تھا کہ آگے پاکستان کرکٹ ٹیم کا بہت مصروف شیڈول ہے۔

انہوں نے کہا کہ مقصد تھا کہ ٹیم کے ساتھ ایک بار مل کر بیٹھیں تاکہ ان چیزوں کو دیکھیں جس سے کرکٹ میں بہتری آئے، ہم نے بات چیت کی کہ کن چیزوں پر کام کرنے کی ضرورت ہے۔

پی سی بی سی او نے کہا کہ کیمپ میں اچھی ڈسکشن ہوئی کہ لانگ ٹرم اور شارٹ ٹرم پلان کیا ہونے چائیں، آج کے کیمپ کا مقصد تھا کہ جو ہم میں کمی ہیں ان کو کیسے  دور کیا جاسکتا ہے۔

پی سی بی کے چیف آپریٹنگ آفیسر سلمان نصیر کا کہنا تھا کہ ہم نے فیصلہ کیا کہ ان خامیوں کو ختم کرنا ہے اور ان کے حل پر بھی بات چیت ہوئی۔

کنکشن کیمپ کے حوالے سے پاکستان کرکٹ ٹیم کے ہیڈ کوچ گیری کرسٹن کا کہنا تھا کہ آج کے کیمپ میں بات چیت ہوئی کہ کیسے پاکستان کرکٹ کو بہتر کرسکتے ہیں۔

ہیڈ کوچ کا کہنا تھا کہ کھلاڑیوں کے ساتھ اس سیشن میں اچھی گفتگو ہوئی اور اچھا لگا کہ لڑکے اپنے گولز کو لے کر فوکس ہیں، ہم نے آج ان کھلاڑیوں کو بلایا جو پاکستان کی زیادہ بڑے لیول پر  نمائندگی کرسکتے ہیں۔

گیری کرسٹن نے مزید کہا کہ اس کا اثر آپ کو لانگ اور شارٹ ٹرم پلان پر نظر آئے گا۔

جیسن گلیسپی کا کہنا تھا کہ پاکستان کرکٹ ٹیم کا کافی مصروف شیڈول ہے اس دوران ٹیم کے پاس وقفہ کم ہو گا۔

انہوں نے کہا کہ اچھا لگا کہ پی سی بی نے ہمیں بلا کر ہم سے مشورے لیے، آج کا دن کافی اچھا رہا بہت کچھ اچھا سیکھنے کو ملا۔

جیسن گلیسپی کا مزید کہنا تھا کہ کیمپ کا مقصد پی سی بی اور کھلاڑیوں کے درمیان کنیکشن کا تھا، ہم نے مختلف موضوعات پر بات چیت کی اور کافی اچھا لگا۔