اسپیکر قومی اسمبلی کا پاک فضائیہ کے شہدا اور غازیوں کو خراج عقیدت

ویب ڈیسک

07th Sep, 2024. 12:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسپیکر قومی اسمبلی کا پاک فضائیہ کے شہدا اور غازیوں کو خراج عقیدت

یوم فضائیہ کے موقع پراسپیکر قومی اسمبلی سردار ایاز صادق نے پاک فضائیہ کے شہدا اورغازیوں کو خراج عقیدت پیش کیا ہے۔

اپنے پیغام میں اسپیکر قومی اسمبلی نے کہا ہے کہ 1965 کی جنگ میں پاک فضائیہ نے دشمن کے ناپاک عزائم خاک میں ملانے میں کلیدی کردار ادا کیا۔ ایم ایم عالم نے 60 سیکنڈ میں 5 بھارتی طیارے تباہ کرکے عالمی ریکارڈ بنایا۔

سردار ایاز صادق نے کہا کہ ایم ایم عالم کی بہادری و جرات اور پیشہ وارانہ مہارت نے دنیا کو ورطہ حیرت میں ڈالا۔ پاک فضائیہ نے بھارتی فوج کے لاجسٹک سپورٹ اور ائیربیسز کو نشانہ بنا کر بھارتی کارروائیوں کو ناکام بنایا۔

اسپیکر قومی اسمبلی نے اپنے پیغام میں کہا کہ پاک فضائیہ نے ثابت کیا کہ وہ دنیا کی بہترین فضائی افواج میں سے ایک ہے، یوم فضائیہ ہمیں پاک فضائیہ کے شہدا کی قربانیوں کی یاد دلاتا ہے، پوری قوم کو پاک فضائیہ پر فخر ہے۔

سردار ایاز صادق نے مزید کہا کہ یوم فضائیہ کے موقع پر قوم پاک فضائیہ کے شہدا اورغازیوں کو سلام پیش کرتی ہے۔