لاہور میں میڈیا سے گفتگو کرتے ہوئے وزیر اعلیٰ بلوچستان میر سرفراز بگٹی نے کہا کہ مقدس پاکستانیوں کا خون گرا ہے اس کا بدلہ لیا جائے گا۔

انہوں نے کہا کہ میں وزیر اعظم شہباز شریف اور آرمی چیف کا شکریہ ادا کرتا ہوں۔

وزیر اعلیٰ نے کہا کہ یہ دہشت گرد ان کو اکثر دیکھا ہے ان کو اسپیس دی جاتی ہے، یہ دہشت گرد ہیں ان کو ناراض بلوچ نہ کہا جائے، اسٹیٹ کی رٹ کو ہم اسٹیبلش کرے گے۔

ان کا کہنا تھا کہ ہم مظلوم کے ساتھ کھڑے ہوں گے ظالم کا ساتھ نہیں دیا جا سکتا، گڈ اور بیڈ وائیلنس کو کسی صورت برداشت نہیں کیا جائے گا، جھتوں کے بندوق کی نوک پر دہشت گردی کو برداشت نہیں کیا جائے گا۔

میں آج لاہور آیا تھا فاتحہ کے لئے احمد قریشی کو بے دردی سے شہید کیا گیا تھا، احمد قریشی نے جواں مردی کے ساتھ دہشت گردوں کا مقابلہ کیا۔

سرفراز بگٹی نے کہا کہ پنجاب کی عوام کو کہنا چاہتا ہوں کسی بلوچ نے کسی پنجابی کو نہیں مارا، دہشت گردوں نے پاکستانیوں کو مارا ہے، ریاست اپنے معصوم شہریوں کے ساتھ کھڑی ہے۔

ان کا کہنا تھا کہ ان دہشت گردوں کے ساتھ کوئی رعایت نہیں برتی جائے گی، بی ایل اے نے نو جگہ پر حملہ کیا وہ تمام سافٹ ٹارگٹ تھے، ان کی کیپسٹی تو نہیں ہے اسی لیے سافٹ ٹارگٹ کو انھوں نے تلاش کرنا ہے اور مزدور سافٹ تارگٹ ہے۔

انہوں نے کہا کہ ظلم کا انجام بہت بھیانک ہے ہمارے دل شہداء کے ورثاء کے ساتھ دھڑکتے ہیں، ہم اس پر انتہائی غمگین ہیں۔

یہ را فنڈڈ وار ہے، دہشت گردوں کا قوم پرستی سے کوئی تعلق نہیں ہے۔

بلوچستان کے وزیر اعلیٰ میر سرفراز بگٹی نے مزید کہا کہ بلوچستان کو اس لئے ٹارگٹ کیا جارہا ہے تاکہ پاکستان کو ٹارگٹ کیا جاسکے۔