چیمپئنز ون ڈے کپ، پینتھرز نے مارخورز کو شکست دیکر ٹائٹل اپنے نام کر لیا

ویب ڈیسک

29th Sep, 2024. 11:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیمپئنز ون ڈے کپ، پینتھرز نے مارخورز کو شکست دیکر ٹائٹل اپنے نام کر لیا

چیمپئنز ون ڈے کپ کے فائنل میں پینتھرز نے مارخورز کو 5 وکٹوں سے شکست دے کر ٹائٹل اپنے نام کر لیا

فیصل آباد میں ہونے والے اس فائنل میں مارخورز نے پہلے بیٹنگ کی مگر تو چل میں آیا کے مصداق پوری ٹیم 33.4 اوورز میں صرف 122 رنز بنا کر پویلین لوٹ گئی۔

پینتھرز نے مطلوبہ ہدف 18 اوورز میں 5 وکٹوں کے نقصان پر حاصل کر لیا۔

عبدالبنگلزئی پینتھرز کے نمایاں بیٹسمین تھے جنہوں نے 41 رنز بنائے، ساجد خان 15، عثمان خان 13 حیدر علی صفر اور عمر صدیق نے 19 رنز بنائے۔

پینتھرز کے کپتان شاداب خان 14 اور رضوان محمود 16 رنز پر ناٹ آؤٹ رہے۔

مارخورز کے عاکف جاوید اور محمد عمران نے 2،2 وکٹیں حاصل کیں جبکہ شاہنواز دہانی نے ایک کھلاڑی کو آؤٹ کیا۔

اس سے قبل مارخورز کی ٹیم نے ٹاس جیت کر پہلے بیٹنگ کا فیصلہ کیا جو درست ثابت نہ ہوا، پوری ٹیم 33.4 اوورز میں 122 رنز بنا کر پویلین لوٹ گئی۔

مارخورز کی جانب سے فخر زمان نے سب سے زیادہ 46 رنز بنائے، بسم اللہ خان 16 اور حسیب اللہ خان نے 27 رنز بنائے۔

مارخورز کے 8 کھلاڑی ڈبل فیگرز میں بھی داخل نہ ہو سکے۔

پینتھرز کے محمد حسنین اور عرفات منہاس نے 3،3 کھلاڑیوں کو آؤٹ کیا جبکہ ساجد خان نے 2 کھلاڑیوں کو آؤٹ کیا، جبکہ علی رضا اور شاداب خان نے ایک ایک وکٹ حاصل کی۔