گزشتہ 24 گھنٹوں میں تاریخی جھوٹ بولے گئے، اسد قیصر

ویب ڈیسک

16th Sep, 2024. 09:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گزشتہ 24 گھنٹوں میں تاریخی جھوٹ بولے گئے، اسد قیصر

رہنما پی ٹی آئی اسد قیصر کا کہنا ہے کہ آئینی ترمیم کے حوالے سے گزشتہ 24 گھنٹوں میں تاریخی جھوٹ بولے گئے۔

بول نیوز کے پروگرام ’بول عادل عباسی کے ساتھ‘ میں سینئر اینکر پرسن عادل عباسی کے ساتھ گفتگو میں اسد قیصر کا کہنا تھا کہ حکومت نے ہر جماعت کو الگ الگ مسودہ دیا گیا، ہمیں جو اطلاع ملی یہ 56 ترامیم تھیں۔

انہوں نے کہا کہ حکومت ترامیم سے آئین کا حلیہ بگاڑ رہی تھی، پی ٹی آئی کسی بھی صورت میں ایسی ترامیم نہیں چاہتی، ترامیم کا پوری پاکستانی قوم پر اثر ہوگا۔

ایک سوال کے جواب میں انہوں نے کہا کہ آئینی مسودے میں ترامیم لانے سے پہلے مشاورت کی جاتی ہے، حکومت پارلیمنٹ کےذریعے ترامیم کر کے مارشل لاء لگانا چاہتی تھی، جو ریفارمز کی جا رہی ہیں دکھائی نہیں گئیں چھپائی گئی ہیں۔

ان کا کہنا تھا کہ قانون سازی اگر عوام کی بہتری کے لیے ہو تو اس پر بات کریں گے، پی ٹی آئی چاہتی ہے کہ آئین کی بالا دستی ہو، اگر ترامیم منظور ہوئیں تو ہر فورم پر آواز اٹھائیں گے۔

پی ٹی آئی رہنما اسد قیصر نے مزید کہا کہ چاہتے ہیں نظام ایسا ہو جو ہر ایک کو انصاف دے سکے۔