سندھ کے صوبائی وزیر شرجیل انعام میمن کا کہنا ہے کہ میثاق جمہوریت میں تھا کہ آئینی عدالتیں ہوں گی۔

حیدرآباد میں میڈیا سے گفتگو کرتے ہوئے صوبائی وزیر شرجیل انعام میمن نے کہا کہ سیاست میں ہر جماعت کا اپنا نظریہ ہوتا ہے، پیپلز پارٹی چاہتی ہے کہ ملک کی بہتری کیلئے مل کر چلیں۔

انہوں نے کہا کہ چاہتے ہیں کہ عوام کو انصاف کی فراہمی میں حائل رکاوٹیں دور ہوں، نمبرز پورے ہیں، جب چاہیں آئینی ترمیم کی جا سکتی ہے، آئینی ترمیم کے بعد چیزیں بہتری کی طرف جائیں گی۔

ان کا کہنا تھا کہ پیپلزپارٹی چاہتی ہے تمام جماعتوں سے مشاورت ہو، میثاق جمہوریت میں تھا کہ آئینی عدالتیں ہوں گی، لوگوں کے 20،20 سال سے مقدمات عدالتوں میں زیر التوا ہیں۔

صوبائی وزیر نے کہا کہ پیپلز پارٹی سب سے زیادہ انتقام کا نشانہ بنی، ثاقب نثار کا دور پی ٹی آئی کا بدترین دور تھا، ثاقب نثار نے پی ٹی آئی کیلئے پولنگ ایجنٹ کا کام کیا، ثاقب نثار نے پی ٹی آئی ورکر کے طور پر کردار ادا کیا۔

ان کا کہنا تھا کہ ثاقب نثار نے مخالفین کو نااہل اور بانی کو صادق وامین قرار دیا، افتخار چوہدری اور ثاقب نثار نے عدلیہ کو یرغمال بنایا، بانی پی ٹی آئی کی کوشش ہے کہ ملک کو غیر مستحکم کیا جائے۔

شرجیل میمن نے کہا کہ بانی پی ٹی آئی نےتقسیم اور انتشار کی پالیسی دی، پی ٹی آئی تقسیم درتقسیم پر کام کر رہی ہے، فضل الرحمان ترمیم میں اپنا مسودہ شامل کروانا چاہتے ہوں گے، پیپلزپارٹی سب کو ساتھ لے کر چلتی ہے۔

ان کا کہنا تھا کہ مولانافضل الرحمان کا کوئی مسودہ ہے تو اسے بھی شامل کرنا چاہئے، 18 اکتوبر کو اکتوبر کو پیپلزپارٹی حیدرآباد میں تاریخی جلسہ کرنے جا رہی ہے۔

سندھ کے صوبائی وزیر شرجیل انعام میمن نے مزید کہا کہ بلاول بھٹو جلسے سے خطاب کریں گے۔