این ڈی ایم اے نے سندھ میں بارش کے حوالے سے نیا الرٹ جاری کر دیا

ویب ڈیسک

01st Sep, 2024. 11:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

این ڈی ایم اے نے سندھ میں بارش کے حوالے سے نیا الرٹ جاری کر دیا

این ڈی ایم اے نے صوبہ سندھ میں بارشوں کے حوالے سے نیا الرٹ جاری کر دیا ہے۔

این ڈی ایم اے کے الرٹ کے مطابق سندھ کے مختلف علاقوں میں بارشوں کا سلسلہ 3 تا 4 ستمبر تک جاری رہنے کا امکان ہے۔

سندھ کے مختلف علاقوں میں وقفے وقفے سے مزید بارشوں کی پیشگوئی کے بعد این ڈی ایم اے متعلقہ محکموں کو الرٹ جاری کر دیا ہے۔

این ڈی ایم اے کے مطابق کراچی، حیدرآباد، ٹھٹھہ، بدین، ٹنڈواللہ یار اور ٹنڈو محمد خان میں بارش متوقع ہے، جبکہ سانگھڑ، عمرکوٹ، میرپورخاص اور تھرپارکر میں بارش کا امکان ہے۔

مٹھی، دادو، جیکب آباد، سکھر، لاڑکانہ اور خیرپور میں بھی بارش کا امکان ہے۔

این ڈی ایم اے کا کہنا تھا کہ شہروں میں سیلابی صورتحال اور نشیبی علاقے زیر آب آنے کا خطرہ ہے اس لیے تمام متعلقہ ادارے ضروری احتیاطی تدابیر اختیار کریں۔

این ڈی ایم اے نے ایمرجنسی رسپانس ٹیموں کو وسائل کی دستیابی کو یقینی بنانے کی بھی ہدایت کی۔

این ڈی ایم اے کے الرٹ میں مزید کہا گیا ہے کہ عوام سیلابی صورتحال سے بچاؤ کیلئے احتیاطی تدابیر اپنائیں۔