شرجیل میمن نے کہا ہے کہ ہمارے ملک کوافراتفری نہیں استحکام چاہیے، مہنگائی کے خاتمے کیلئے سب نے اپنا کرداراداکرناہوگا۔ 

وزیراطلاعات سندھ شرجیل میمن نے کراچی میں تقریب سےخطاب کرتے ہوئے کہا کہ ماحولیاتی آلودگی سنگین مسئلہ ہے، ہمیں گرین انرجی کی طرف جانا چاہیے، ہم مل کرپاکستان کوآگے لے جا سکتے ہیں۔

شرجیل میمن نے کہا کہ مہنگائی کے خاتمے کیلئے سب نے اپنا کردارادا کرناہوگا، ماحولیات کیلئے الیکٹرک مصنوعات پرآئیں گے توبہتری آئے گی، مضبوط قوم اورملک کیلئے ہرسیکٹرنے اپنا کردارادا کرنا ہوگا۔ الیکٹرک چیزیں ملک اور ماحول کے لیے بہتر ہے، پئٹرول اور ڈیزل کی کاسٹ سے بچنے کے ساتھ ساتھ ماحول بھی بچے گا۔

سینئرصوبائی وزیر نے کہا کہ امپورٹ کے بجائے ہمیں ایکسپورٹ کی طرف بڑھنا ہوگا، ایسی ٹیکنالوجی کااستعمال کرنا ہوگا جس سے ملک آگے جائے، ہمارے ملک میں اچھی خبریں آنا شروع ہوگئی ہیں۔

شرجیل میمن نے تقریب سے خطاب کرتے ہوئے مذید کہا کہ اہم ممالک ایس سی اومیں ساتھ بیٹھ رہے ہیں، ہمارے ملک کوافراتفری نہیں استحکام چاہیے، مہنگائی کے خاتمے کیلئے سب نے اپنا کرداراداکرناہوگا۔

ان کا کہنا تھا کہ اچھی بات ہے کہ ہمارے ملک سے ای وی بائیکس ایکسپورٹ ہوں گے۔ ملک میں اچھی خبریں آ رہی ہیں۔ اکنامی چل پڑی ہے۔ ہمیں منفی پروپیگنڈہ کو نظرانداز کرکہ ملک کو مضبوط کرنا ہے۔ ہم نے چائنا کی سب سے بڑی ٹرانسپورٹ کمپنی کو درخواست کی ہے کہ وہ ہمارے ملک اور شہر میں ای وی بسز بنائیں۔