عدالت نےفریقین کو پی اے ای سی کے ترقیاتی منصوبے میں مداخلت سے روک دیا

عبدالحسیب خان

24th Oct, 2024. 10:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عدالت نےفریقین کو پی اے ای سی کے ترقیاتی منصوبے میں مداخلت سے روک دیا

عدالت نے فریقین کو آئندہ سماعت تک ترقیاتی منصوبے میں مداخلت سے روکتے ہوئے تین ہفتوں میں جواب طلب کرلیا۔

تفصیلات کے مطابق سندھ ہائی کورٹ میں پاکستان اٹامک انرجی کمیشن کے منصوبے میں مقامی افراد کی مداخلت کے خلاف درخواست پر سماعت ہوئی، بیرسٹر زہرا ویانی نے مؤقف اپنایا کہ منصوبے کے تحت کینیپ سے بلدیہ گرڈ اسٹیشن تک 132 کے وی کی پاورلائن کی تعمیرجاری ہے۔

بیریسٹرزہرا ویان نے مؤقف اپنایا کہ ‎26 کلومیٹرطویل پاورلائن منصوبے میں 131 میں سے 128 پول کی تنصیب مکمل ہوچکی ہے۔

وکیل اٹامک انرجی کمیشن نے عدالت کو بتایا کہ مقامی گودام کے مالک منصوبے میں رکاوٹ ڈال رہے ہیں، اس پرعدالت نے پوچھا کہ گودام پاور لائن سے کتنے دورہیں؟ بیرسٹر زہرا ویانی نے جواب دیا کہ گودام پاورلائن سے 90 فٹ دورہیں۔

وکیل نے استدعا کی کہ گودام کے مالک کو تعمیرات کے دوران مداخلت سے روکا جائے۔ متعلقہ حکام کو منصوبے کی بروقت تکمیل کے لئے درخواست گزار سے معاونت کا حکم دیا جائے۔

اس کے ساتھ ہی عدالت نے فریقین کو آئندہ سماعت تک ترقیاتی منصوبے میں مداخلت سے روکتے ہوئے تین ہفتوں میں جواب طلب کرلیا۔

درخواست میں سندھ حکومت، بورڈ آف ریوینیو، ایل ڈی اے اور پولیس سمیت گودام کے مالک کو فریق بنایا گیا ہے۔