ہم نے کالے سانپ کے دانت توڑ دیے اور زہر نکال دیا ہے، فضل الرحمان

ویب ڈیسک

20th Oct, 2024. 05:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم نے کالے سانپ کے دانت توڑ دیے اور زہر نکال دیا ہے، فضل الرحمان

جے یو آئی سربراہ مولانا فضل الرحمن کا کہنا ہے کہ ہم نے کالے سانپ کے دانت توڑ دیئے ہیں اور اور اس کا زہر نکال دیا ہے۔

اپنی رہائش گاہ کے باہر پی ٹی آئی رہنماؤں کے ساتھ میڈیا گفتگو میں مولانا فضل الرحمن نے کہا کہ پی ٹی آئی رہنماؤں نے بانی سے ملاقات کی،ان کی حالت بتائی۔

انہوں نے کہا کہ پی ٹی آئی کو تشدد کا سامنا رہا، کارکنان گرفتار ہوئےہیں، بل پیش نہیں ہوا اب بھی مفاہمت کا وقت ہے، اب بھی کچھ چیزوں پر ہم مفاہمت کی کوشش کریں گے۔

ان کا کہنا تھا کہ آئینی ترامیم کو شخصیات کے بیچ یرغمال نہیں بنانا چاہیے، پی ٹی آئی ووٹنگ کا بائیکاٹ کر رہی ہے تو یہ ان کا حق ہے۔

جے یو آئی سربراہ کا کہنا تھا کہ بل کے مسودے پر کوئی جھگڑا نہیں رہا، پی ٹی آئی کا اختلاف بنیادی حق ہے،اس کو سپورٹ کرتا ہوں۔

آئین کسی کا نہیں،قوم کا ہوتا ہے، میں نےاسمبلی میں اصولی مؤقف اپنایا تھا، کہا تھا آئینی ترمیم کو ججز کی شخصیات پر یرغمال کیوں بنا رہے ہیں؟۔

جمعیت علمائے اسلام کے سربراہ مولانا فضل الرحمن نے مزید کہا کہ ہم پیکج پر متفق ہیں، جزیات پر تحفظات ہوئے تو ترمیم کریں گے۔