بجلی کے وولٹیج میں کمی اور اضافے سے ارکان پارلیمنٹ بھی پریشان

ویب ڈیسک

23rd Oct, 2024. 08:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجلی کے وولٹیج میں کمی اور اضافے سے ارکان پارلیمنٹ بھی پریشان

پارلیمنٹ لاجز میں رہائش پذیر ارکان پارلیمنٹ بھی بجلی کے وولٹیج میں کمی بیشی سے پریشان ہیں۔

پارلیمنٹ لاجز میں فلکچویشن سے کچھ ارکان نے بجلی سے چلنے والی اشیاء خراب ہونے کا شکوہ کر دیا ہے۔

ڈپٹی اسپیکر غلام مصطفی شاہ کی زیر صدارت ہاؤس اینڈ لائبریری کمیٹی کے اجلاس میں ارکان اسمبلی نے شکایتوں کے انبار لگا دیئے۔

ہاؤس اینڈ لائبریری کمیٹی نے ارکان اسمبلی کی شکایات پر سی ڈی اے اور آئیسکو کو مل کر مسئلہ حل کرنے کی ہدایت جاری کر دی ہے۔

کمیٹی نے آؤٹ سورسنگ کے باوجود پارلیمنٹ لاجز میں صفائی کے ناقص انتظامات پر تشویش کا اظہار کیا۔ ارکان اسمبلی نے شکوہ کیا کہ آؤٹ سورس کرنے کے باوجود صفائی کے حالات میں بہتری نہیں آئی۔

کمیٹی نے لاجز میں اضافی رہائشی یونٹس کی تعمیر میں تاخیر پر برہمی کا اظہار کرتے ہوئے کہا کہ لاجز سے محروم ارکان اسمبلی کو شدید مشکلات کا سامنا ہے۔

ہاؤس اینڈ لائبریری کمیٹی نے سی ڈی اے کو تعمیراتی کام جلد از جلد مکمل کرنے کی ہدایت کر دی۔