پاکستان جغرافیائی نام نہیں ایک عقیدے کا نام ہے، حافظ نعیم الرحمن

ویب ڈیسک

15th Oct, 2024. 08:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان جغرافیائی نام نہیں ایک عقیدے کا نام ہے، حافظ نعیم الرحمن

فیصل آباد میں امیرجماعت اسلامی حافظ نعیم الرحمان نے ایک پریس کانفرنس سے خطاب میں کہا کہ پاکستان جغرافیائی نام نہیں بلکہ ایک عقیدے کا نام ہے۔

انہوں نے کہا کہ حکومت جو کہتی ہے اور جو کرتی ہے اس میں تفریق ہے، ریاست کا فرض ہے سب کو معیاری تعلیم فری فراہم کریں۔

ان کا کہنا تھا کہ آج معیاری تعلیم کیلئے پرائیویٹ سیکٹر میں جانا مجبوری ہے، ریاست کی ذمہ داری ہے کہ یکساں تعلیم کے مواقع فراہم کرے۔

امیر جماعت اسلامی نے کہا کہ 1700 ارب روپے صوبوں کے پاس تعلیمی بجٹ ہے، تعلیمی بجٹ دفاعی بجٹ کے برابر بنتا ہے۔

انہوں نے کہا کہ ریاست اپنی ذمہ داری کو پورا نہیں کر رہی ہے، انصاف، تعلیم، روزگار اور صحت کی سہولتیں دینا ریاست کی ذمہ داری ہے۔

ریاست ڈنڈے سے رٹ قائم کرنے آ جائیں تو ایسی ریاست کو کیا کہیں؟ ملک میں 25 ہزار لوگ باقی لوگوں کے حقوق دبائے ہوئے ہیں۔

امیر جماعت اسلامی نے مزید کہا کہ سوسائٹی میں شعور پیدا ہونا چاہیےکہ تعلیم عوام کا حق ہے۔