اسحق ڈار کے بعد صوبائی وزیر ناصر حسین شاہ کی بھی احتجاج ختم کرنے کی درخواست

ویب ڈیسک

13th Oct, 2024. 09:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسحق ڈار کے بعد صوبائی وزیر ناصر حسین شاہ کی بھی احتجاج ختم کرنے کی درخواست

ملک میں سرمایہ کاری اور مشترکہ منصوبوں کے بے پناہ مواقع ہیں، سید ناصر حسین شاہ

سندھ کے صوبائی وزیر ناصر حسین شاہ نے بھی پی ٹی آئی کو احتجاج ختم کرنے کی درخواست کر دی ہے۔

شنگھائی تعاون تنظیم کانفرنس کے موقع پر سیاسی جماعتوں کے لیے اپنے پیغام میں صوبائی وزیر ناصر حسین شاہ نے کہا کہ کانفرنس کی میزبانی ملک اور قوم کے لیے اعزاز ہے۔

انہوں نے کہا کہ سربراہی اجلاس کے موقع پر ہمیں سیاسی مفادات سے بالاتر ہو کر ملکی وقار کا سوچنا چاہیے، کانفرنس میں اہم ممالک کی قیادت ہو گی، ہمیں مہذب قوم جیسا برتاؤ کرنا چاہیے۔

صوبائی وزیر نے کہا کہ کانفرنس کے موقع پر سیاسی، مذہبی اور سماجی تنظیمیں جلسے جلوس کرنے سے اجتناب کریں، پاکستان تحریک انصاف ملکی وقار اور ترقی کی خاطر اپنا سیاسی احتجاج کانفرنس کے بعد تک موخر کرے۔

ان کا کہنا تھا کہ ملکی وقار کی خاطر کچھ دن کے لیے خاموش بیٹھنے سے ان کی سیاست ختم نہیں ہو جائے گی، ایس سی او کانفرنس کی میزبان صرف حکمراں جماعت نہیں، ہر پاکستانی ہے۔

سندھ کے صوبائی وزیر سید ناصر حسین شاہ نے مزید کہا کہ ہمیں ایک متحد اور باوقار قوم کے طور پر اپنے مسائل کا حل تلاش کرنا چاہیے۔