بشری بی بی کا توشہ خانہ ٹو کیس میں ضمانت بعد ازگرفتاری کیلئے ہائیکورٹ سے رجوع

ویب ڈیسک

03rd Oct, 2024. 12:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بشری بی بی کا توشہ خانہ ٹو کیس میں ضمانت بعد ازگرفتاری کیلئے ہائیکورٹ سے رجوع

بانی پی ٹی آئی کی اہلیہ بشری بی بی نے توشہ خانہ ٹو کیس میں ضمانت بعد ازگرفتاری کیلئے اسلام آباد ہائی کورٹ سے رجوع کرلیا۔

بشری بی بی کی درخواست ضمانت اسپیشل جج سنٹرل اسلام آباد نے 30 ستمبر کو مسترد کر دی تھی۔ بشری بی بی نے درخواست ضمانت خالد یوسف چوہدری کے ذریعے اسلام آباد ہائی کورٹ میں دائر کی۔

درخواست میں استدعا کی گئی کہ اسلام آباد ہائی کورٹ ضمانت بعد از گرفتاری عنایت فرمائے، مقدمے میں سائلہ کی گرفتاری غیر منصفانہ ہے، سائلہ گھریلو اورپردہ نشین خاتون ہے۔

بشری بی بی کی جانب سے درخواست میں مؤقف اپنایا گیا کہ الزامات جھوٹے اور گواہان کو بلیک میل کر کہ لگوائے گئے ہیں، ایف آئی اے نے قانون کی خلاف ورزی کی ہے، مقدمہ اور تفتیش بد نیتی اوربد دیانتی پہ مبنی ہے۔

درخواست میں کہا گیا کہ سائلہ خاتون ہے اورقانون کے تحت ضمانت کی مستحق ہے، استغاثہ نے سائلہ کو جیل میں رکھنے کے لئے مقدمہ کھڑا کیا ہے، مقدمہ دائر کرنے سے پہلے ہی ہائی کورٹ میں چیلنج کیا ہوا تھا۔

بشری بی بی نے درخواست میں یہ مؤقف بھی اپنایا کہ باربارایک ہی کیس کو مختلف زاویوں سے چلانا آئنی خلاف ورزی ہے، سائلہ دو سال قبل سے سیاسی انتقام کا نشانہ بنائی جا رہی ہے۔