وزیراطلاعات پنجاب نے کہا ہے کہ نو مئی کے شرپسندوں اور بلوائیوں کے ساتھ لاڈلے بچوں والا سلوک نہیں کیا جا سکتا۔ تحریک انصاف سمیت جو بھی قانون توڑے گا اس کے خلاف کارروائی ہوگی۔

بیرسٹرسیف کے بیان پرردِعمل دیتے ہوئےعظمٰی بخاری نے کہا کہ پشاورمیں بیٹھے شخص کولگ رہا ہے پنجاب میں سرکاری اسپتال دیوالیہ ہو رہے ہیں، خیبرپختونخواہ میں فنڈزکی عدم دستیابی پریونیورسٹیاں بند ہو رہی ہیں۔

صوبائی وزیراطلاعات پنجاب نے کہا کہ کے پی میں سرکاری ملازمین آئے روزتنخواہوں کی عدم ادائیگی پر احتجاج کرتے ہیں، شریف خاندان کے بغض میں آپ اندھے، گونگےاوربہرے ہوچکے ہیں۔ تحریک انصاف سمیت جو بھی قانون توڑے گا اس کے خلاف کارروائی ہوگی۔

انھوں نے کہا کہ نومئی کے شرپسندوں اوربلوائیوں کے ساتھ لاڈلے بچوں والا سلوک نہیں کیا جا سکتا، آپ کے صوبے میں کوئی ترقیاتی کام نہیں ہوتے نہ ہی نئی منصوبے آتے ہیں اس لیے آپ کو ٹینڈرنگ کے لیے اشتہارات جاری کرنے کی بھی ضرورت نہیں پڑتی۔

وزیراطلاعات پنجاب نے کہا کہ پنجاب میں ہرہفتے عوامی فلاح کا نیا منصوبہ آتا ہے تو اس کی تشہیر کرنا بھی قانونی تقاضا ہوتا ہے، 11 سال سے خیبرپختونخواہ میں کون سی تبدیلی اور انقلاب لائے ہیں وہ قوم کو بتائیں۔

انھوں نے ردِ عمل دیتے ہوئے کہا کہ ہروقت مریم نوازکا راگ الاپنے کی بجائے اپنے وزیراعلی کی کارکردگی کا حساب دیں، مریم نوازفضائی آلودگی کے ساتھ سیاسی آلودگی کا بھی علاج کررہی ہیں۔

عظمٰی بخاری نے مزید کہا کہ فضائی آلودگی کے علاوہ جوبیہودگی اورسیاسی گندگی آپ لوگوں نے پھیلائی اس کا حساب کون دے گا؟ ہروقت مریم نوازکے متعلق زبان درازی کرنے سے آپ کی اورآپ کے وزیراعلی کی نااہلی نہیں چھپ سکتی۔