پولیس قیدی وینز پر حملہ سوچے سمجھے منصوبے کے تحت کیا گیا، عطا تارڑ

ویب ڈیسک

25th Oct, 2024. 08:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولیس قیدی وینز پر حملہ سوچے سمجھے منصوبے کے تحت کیا گیا، عطا تارڑ

وفاقی وزیر اطلاعات عطا تارڑ نے کہا کہ پولیس قیدی وینز پر حملہ سوچے سمجھے منصوبے کے تحت کیا گیا۔

اپنے ایک بیان میں وزیر اطلاعات عطا تارڑ کا کہنا تھا کہ تحریک انتشار کے کارکنان نے قیدی وینز پر حملہ کیا اور 9 مئی کو بھی شہدا کی یادگاروں کی بے حرمتی کی گئی۔

4وفاقی وزیر کا کہنا تھا کہ پولیس قیدی وینز پر حملے کرنے والے حملہ آوروں کو گرفتار کیا گیا ہے، گرفتار ملزمان میں پی ٹی آئی ایم پی اے کا بیٹا بھی شامل ہے۔

انہوں نے کہا کہ 2 گاڑیاں اور2 اسلحے بھی تحویل میں لیے گئے ہیں جبکہ فرار ہونے والے 19 افراد کو گرفتار کر لیا گیا ہے۔

عطا تارڈ نے کہا کہ پی ٹی آئی کی جانب سے جو ردعمل آیا وہ مضحکہ خیز ہے، پی ٹی آئی ترجمان کو جھوٹ بولتے ہوئے شرم آنی چاہئے۔

انہوں نے کہا کہ سنگجانی ٹول پلازہ کی سی سی ٹی وی فوٹیج موجود ہے، ایم پی اے کے بیٹے کے خلاف کارروائی کی جا رہی ہے۔

ان کا کہنا تھا کہ قیدیوں کو فرار کروانے کا منصوبہ ناکام رہا، تمام حملہ آوروں سے تحقیقات کی جا رہی ہیں۔

وفاقی وزیر اطلاعات عطا تارڑ نے مزید کہا کہ ملزمان 20 سے 25 تھے جن میں سے 4 کو گرفتار کیا گیا ہے جبکہ باقی کی تلاش جاری ہے۔