ملک بھرمیں آج سے قومی انسداد پولیو مہم کا آغازہوگیا، ملک بھرمیں 45 ملین بچوں کوقطرے پلانےکا ہدف مقررکیا گیا۔

 پنجاب بھرمیں 2 کروڑ30لاکھ سےزائدبچوں کوپولیوکےقطرے پلائےجائیں گے۔ ہربچےکوپولیوویکسین کی فراہمی یقینی بنائی جائےگی۔ پولیومہم 28 اکتوبرسے 3 نومبرتک جاری رہے گی۔

5 سال سےکم عمرکے ساڑھےچارکروڑسے زائد بچوں کوقطرے پلائےجائیں گے۔ پولیومہم رواں سال پاکستان کی تیسری ملک گیرمہم ہے۔

محکمہ صحت نے ہدایت کی ہے کہ ملک بھرکےتمام والدین اوردیکھ بھال کرنے والے مہم میں فعال کرداراداکریں۔

بلوچستان میں پولیو مہم

بلوچستان میں سات روزہ پولیومہم کا آغازکردیا گیا، مہم کا افتتاح صوبائی وزیرصحت بخت کاکڑ نے بچوں کو پولیو کے قطرے پلا کرکیا۔ 26 لاکھ 55 ہزار سےزائد بچوں کو پولیوسے بچاؤ کے قطرے پلائے جائیں گے۔

پولیومہم میں 11 ہزار سے زائد ٹیمیں حصہ رہی ہیں۔ مہم کے دوران بچوں کو وٹامن اے کے قطرے بھی پلائے جائیں گے۔ بلوچستان میں رواں سال 21 پولیوکےکیسز رپورٹ ہوئے ہیں۔ پولیو مہم میں حصہ لینے والی ٹیموں کوسخت سیکیورٹی فراہم کی جائے گی۔

سندھ میں پولیو مہم

وزیراعلٰی سندھ سید مرا دعلی شاہ نے بچوں کو پولیوکے قطرے پلا کرکراچی سمیت سندھ بھرمیں پولیومہم کا آغاز کردیا۔ پولیومہم 3 نومبرتک جاری رہے گی۔

’’پاکستان میں پولیوکیسزرپورٹ ہونا ہمارے لیےباعث شرمندگی ہے‘‘

سندھ میں ایک کروڑ6 لاکھ سے زائد بچوں کو پولیوکے قطرے پلائے جائیں گے۔ سندھ میں 5 سال سے کم عمر کے 1 کروڑ 6 لاکھ بچوں کو پولیوسے بچاؤ کے قطرے پلائے جائیں گے۔

کراچی ڈویژن میں پولیومہم آج سے 3 نومبر تک جاری رہے گی۔ کراچی ڈویژن میں پولیو مہم کے دوران 27 لاکھ بچوں کو پولیوکے قطرے پلائے جائیں گے۔ گزشتہ سال ملک میں 41 کیسز رپورٹ ہوئے تھے۔ پولیو مہم میں 81 ہزارپولیو ورکرز حصہ لے رہے ہیں۔

صوبے میں پولیو ورکرزکی حفاظت کے لیے 19 ہزارسیکیورٹی اہلکار تعینات کیے گئے ہیں۔