تھائی لینڈ، اسکول بس میں آگ لگنے سے 23 افراد جھلس کر ہلاک

ویب ڈیسک

01st Oct, 2024. 06:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تھائی لینڈ، اسکول بس میں آگ لگنے سے 23 افراد جھلس کر ہلاک

بنکاک کے ایک اسکول کے بچوں کو لے جانیوالی بس میں اچانک آگ بھڑک اٹھی، جس سے 23 افراد جھلس کر ہلاک ہو گئے۔

یہ بس ملک کے شمال میں اسکول کے دورے کے بعد تھائی لینڈ کے دارالحکومت لوٹ رہی تھی۔ خیال کیا جاتا ہے کہ ہلاک ہونے والوں کی اکثریت بچوں کی ہے۔

جائے وقوعہ سے حاصل ہونے والی ویڈیوز میں دیکھا جا سکتا ہے کہ آگ کے شعلوں نے ایک پل کے نیچے بس کو گھیرے میں لے رکھا ہے اور آسمان پر کالے دھوئیں کے بڑے بادل منڈلا رہے ہیں۔

وزیر ٹرانسپورٹ سوریہ جونگرونگرونگ کٹ نے کہا کہ بس انتہائی خطرناک کمپریسڈ قدرتی گیس سے چل رہی تھی۔

عینی شاہدین کا کہنا ہے کہ بس بینکاک کے شمال میں شاہراہ کو تقسیم کرنے والے کنکریٹ کے بیریئر سے ٹکرا گئی۔

بس تیزی سے آگ کی لپیٹ میں آ گئی اور اس میں سوار بہت سے لوگ باہر نکلنے سے قاصر رہے۔ آگ لگنے کی وجہ ابھی تک معلوم نہیں ہوسکی ہے۔

بتایا جاتا ہے کہ انیس بچے اور تین اساتذہ زندہ بچ گئے ہیں، جن میں سے 16 بچے اسپتال میں زیر علاج ہیں۔