شکارپور کے قریب کچے کے ڈاکوؤں نے پولیس اہلکاروں سے اسلحے سے بھری گاڑی چھین لی ۔
تفصیلات کے مطابق ملزمان 138 نائن ایم ایم پسٹلز، 276 میگزین سمیت گاڑی چھین کر فرار ہو گئے۔
ذرائع کے مطابق اسلحہ لاڑکانہ فارنزک لیبارٹری میں چیکنگ کیلئےبھیجاگیاتھا، گاڑی اور اسلحہ چھیننے کی واردات پر ایس ایس پی جیکب آباد صدام خاصخیلی نے نوٹس لے لیا۔
پولیس ترجمان کے مطابق تھانہ صدر کے سب انسپکٹرعزیزاللہ سمیت ہیڈ محرر اور محرر غفلت برتنے پر معطل کر دیا گیا اور معطل اہلکاروں کو حراست میں لے کرلاک اپ کر دیا گیا۔
ایس ایس پی صدام خاصخیلی کا کہنا ہے کہ پولیس اہلکاروں کےخلاف مقدمہ درج کیاجائےگا، صدر پولیس نے 2 اکتوبر کو دوران چیکنگ اسلحہ اسمگلنگ کی کوشش ناکام بنائی تھی۔
Advertisement
پولیس نے کارروائی میں 138 نائن ایم ایم پسٹلز، 276 میگزین اور گولیاں برآمد کی تھیں۔
وزیرداخلہ سندھ ضیاالحسن لنجار نے واقعہ کا نوٹس لے لیا ہے اور ایس ایس پی جیکب آباد سے تفصیلات طلب کر لیں ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
