پنجاب کوالٹی کنٹرول بورڈ کا 286 واں اجلاس

ویب ڈیسک

30th Oct, 2024. 06:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب کوالٹی کنٹرول بورڈ کا 286 واں اجلاس

صوبائی وزیر صحت خواجہ عمران نذیر کی زیر صدارت پنجاب کوالٹی کنٹرول بورڈ کے 286 واں اجلاس کا انعقاد کیا گیا۔

اجلاس میں فارما انڈسٹری کے ریگولر اور زیر التوا کیسز کا جائزہ لیا گیا۔

صوبائی وزیر صحت خواجہ عمران نذیر نے کہا کہ فارما انڈسٹری اپنی ادویات، دیگر پراڈکٹس کے معیار کو یقینی بنائے، محکمہ صحت میں کرپشن کلچر کا خاتمہ میری اولین ترجیح ہے۔

انہوں نے ہدایت کی کہ فارما انڈسٹری کے تمام زیر التوا کیسز میرٹ پر جلد نمٹائے جائیں، این آئی ایچ میں زیر التوا اپیلیں، کیسز جلد نمٹانے کی بھی ہدایت کی۔

انہوں نے کہا کہ مارکیٹ میں معیاری ادویات کی دستیابی صوبہ کی ساڑھے 12 کروڑ عوام کا بنیادی حق ہے، صوبہ بھر میں ادویات کی مصنوعی قلت کسی صورت نہیں برداشت کریں گے۔

صوبائی وزیر صحت خواجہ عمران نذیر کا مزید کہنا تھا کہ فارما انڈسٹری کا ملکی معیشت کے استحکام میں نہایت اہم کردار ہے۔

پی کیو سی بی کے اجلاس میں سپیشل سیکرٹری آپریشن عون عباس بخاری، ایڈیشنل سیکرٹری ڈاکٹر قلندر خان، ڈی جی ڈرگ کنٹرول محمد سہیل، سیکرٹری بورڈ ڈکٹر منور حیات، ممبرز پی کیو سی بی بھی موجود تھے۔