بانی پی ٹی آئی کی رہائی کسی ڈیل کے ذریعے نہیں ہوگی، بیرسٹر گوہر

ویب ڈیسک

24th Oct, 2024. 02:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بانی پی ٹی آئی کی رہائی کسی ڈیل کے ذریعے نہیں ہوگی، بیرسٹر گوہر

بیرسٹر گوہرکا کہنا ہے کہ بشریٰ بی بی کے باہر آنے سے بہت سے مسائل حل ہونگے، پی ٹی آئی میں کوئی فارورڈ بلاک نہیں ہے۔

بانی پی ٹی آئی کی اہلیہ بشری بی بی کی ضمانت پررہائی کے بعد راولپنڈی میں میڈیا سے گفتگو کرتے ہوئے چیئرمین پی ٹی آئی بیرسٹرگوہرنے کہا ہے کہ بشریٰ بی بی نے دلیری سے 9 ماہ قید برداشت کی، سختیوں کے باوجود خودبشریٰ بی بی نے جیل آکرخود گرفتاری دی۔

بیرسٹر گوہرنے کہا کہ مزید کس کیس میں گرفتار کرتے ایسا کون سا کیس رہ گیا تھا، پی ٹی آئی میں کوئی فارورڈ بلاک نہیں ہے، بشریٰ بی بی کے باہر آنے سے بہت سے مسائل حل ہونگے۔

چیئرمین پی ٹی آئی نے کہا کہ یقین ہے قانون کی پاسداری ہوگی، بانی پی ٹی آئی کی رہائی کسی ڈیل کےذریعے نہیں ہوگی، بشریٰ بی بی کا توشہ خانہ سے دوردور تک کوئی تعلق نہیں تھا۔

بیرسٹرگوہرنے کہا کہ بشریٰ ی بی بی کو جیل میں رکھنا ایک بہانا تھا، بشری ٰبی بی کی گرفتاری بانی پی ٹی آئی پردباؤ ڈالنے کیلئے تھی، کسی اور کیس میں گرفتارکرنہیں سکتے تھے اسی لیے رہا کردیا، لوگوں کی اسٹیٹمنٹ دیکھ کرہم بیانیے نہیں بدلتے۔