آٹھ برس بعد ہم آپ کو پٹیشن کی کاپی فراہم کرنے کا حکم نہیں دیں گے، عدالت

عبدالحسیب خان

22nd Oct, 2024. 11:33 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آٹھ برس بعد ہم آپ کو پٹیشن کی کاپی فراہم کرنے کا حکم نہیں دیں گے، عدالت

چیف جسٹس سندھ ہائی کورٹ نے وکیل پی آئی اے سے کہا کہ آٹھ برس بعد ہم آپ کو پٹیشن کی کاپی فراہم کرنے کا حکم نہیں دیں گے، آپ خود دستاویز کی کاپی حاصل کریں۔

تفصیلات کے مطابق سندھ ہائی کورٹ میں پی آئی اے طیارہ حادثہ کیس میں پائلٹ کی فلائٹ سیفٹی ریگولیشن سے متعلق درخواست کی سماعت ہوئی۔

سماعت کے دوران وکیل پی آئی اے نے عدالت کو بتایا کہ پی آئی اے کو پٹیشن کی کاپی موصول نہیں ہوئی ہے۔ اس پرچیف جسٹس سندھ ہائیکورٹ نے کہا کہ آٹھ برس بعد آپ کو یاد آیا ہے؟

چیف جسٹس نے کہا کہ آٹھ برس بعد ہم آپ کو پٹیشن کی کاپی فراہم کرنے کا حکم نہیں دیں گے، آپ خود دستاویز کی کاپی حاصل کریں اور تفصیلی جواب جمع کروائیں، ہم آپ کو مہلت دے رہے ہیں۔

وکیل پی آئی اے نے جواب دیا کہ پی آئی اے کو کبھی نوٹس موصول نہیں ہوا، اس پرعدالت نے کہا کہ اگرنوٹس موصول نہیں ہوا تو ابھی آپ کیسے آگئے؟

وکیل پی آئی اے نے جواب دیا کہ سول ایوی ایشن کے وکیل نے اپنی رپورٹ کی کاپی ہمیں بھیجی تھی تو علم ہوا۔

سندھ ہائی کورٹ نے وقت کی کمی کے باعث درخواست کی مزید سماعت 14 نومبر تک ملتوی کردی۔