آئینی ترمیم پر اتحادی پیپلز پارٹی، ن لیگ آمنے سامنے آگئے

ویب ڈیسک

13th Oct, 2024. 06:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئینی ترمیم پر اتحادی پیپلز پارٹی، ن لیگ آمنے سامنے آگئے

آئینی ترمیم پر اتفاق رائے کے حوالے سے اتحادی حکومتی جماعت پیپلز پارٹی اور ن لیگ آمنے سامنے آگئی ہیں۔

ذرائع کے مطابق ن لیگ، پیپلز پارٹی میں آئینی ترمیم کی بعض شقوں پر اختلاف سامنے آگیا، بلاول بھٹو اور فضل الرحمان ترمیمی ڈرافٹ میں فوجی عدالتوں کے قیام کی شق نکال دی ہے۔

ذرائع کا کہنا ہے کہ ن لیگ ابھی تک فوجی عدالتوں کےقیام پرپوزیشن واضح نہ کرسکی، کیونکہ قاضی فائزعیسیٰ ریٹائرمنٹ کے بعد ن لیگ کی آئینی ترمیم سے دلچسپی کم ہو گئی ہے۔

آئینی ترمیم کے حوالے سے نوازشریف کی مولانا کو منانے کے لیے طے شدہ ملاقات بھی منسوخ ہو گئی ہے، جبکہ بلاول، فضل الرحمان کو آئینی عدالت پر منانے کے لیے سندھ جائیں گے۔

ذرائع کے مطابق فضل الرحمان کا پی ٹی آئی سے مل کر مشترکہ مسودہ پیش کرنے کا امکان ہے، جے یو آئی نے آئینی عدالت کے قیام پر پی پی، ن لیگ کی ترمیم کی مخالفت کردی ہے۔

ذرائع کا مزید کہنا ہے کہ پیپلز پارٹی، ن لیگ میں آئینی عدالت کے ججوں کی تعداد پر بھی عدم اتفاق ہے اور جے یو آئی نے سپریم کورٹ میں آئینی بینچ بنانے کی تجویز دے دی ہے۔