خوارج کا ضلع لکی مروت میں مسجد پر حملہ، کیڈٹ عارف اللہ بہادری سے لڑتے ہوئے شہید

ویب ڈیسک

25th Oct, 2024. 10:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خوارج کا ضلع لکی مروت میں مسجد پر حملہ، کیڈٹ عارف اللہ بہادری سے لڑتے ہوئے شہید

خوارج نے ضلع لکی مروت میں نماز مغرب کے دوران مسجد پر حملہ کیا، حملے میں کیڈٹ عارف اللہ بہادری سے لڑتے ہوئے شہید ہو گئے۔

پاک فوج کے شعبہ تعلقات عامہ (آئی ایس پی آر) کے مطابق خوارج کے حملے کے خلاف کیڈٹ عارف اللہ نے بہادری سے لڑتے ہوئے مسجد میں موجود کئی نمازیوں کی جانیں بچائیں۔

آئی ایس پی آر کا کہنا تھا کہ مسجد میں نمازیوں پر حملہ کرنے کا بزدلانہ فعل خوارج کے حقیقی نظریے کا عکاس ہے جبکہ کیڈٹ کا بہادرانہ عمل دہشت گردی کی لعنت کو ختم کرنے کیلئے فورسز کے عزم کا ثبوت ہے، ایسی قربانیاں ہمارےعزم کو مزید مضبوط کرتی ہیں۔

کیڈٹ عارف اللہ کی عمر 19 سال آبائی شہر لکی مروت چھٹی پر آئے ہوئے تھے، کیڈٹ عارف اللہ پاکستان ملٹری اکیڈمی کاکول میں زیر تربیت تھے۔

جی سی عارف اللہ شہید نے سوگواران میں والدین، 4 بھائی اور 4 بہنیں چھوڑے ہیں، جی سی عارف اللہ شہید کے بڑے بھائی بھی پاکستان آرمی میں دفاع وطن کا فریضہ سر انجام دے رہے ہیں۔

آئی ایس پی آر کا مزید کہنا تھا کہ جی سی عارف اللہ شہید نے نہتے ہوتے ہوئے بھی فتنتہ الخوارج کے دہشت گردوں کا گتھم گتھا لڑائی میں مقابلہ کیا۔