پاک بحریہ کے جہاز کا سیکیورٹی پیٹرولنگ کے دوران جبوتی کا دورہ

ویب ڈیسک

05th Nov, 2024. 06:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ کے جہاز کا سیکیورٹی پیٹرولنگ کے دوران جبوتی کا دورہ

پاک بحریہ کے پی این ایس ذوالفقار نے ریجنل میری ٹائم سیکیورٹی پیٹرولنگ کےدوران دورہ جبوتی کا دورہ کیا۔

پاک فوج کے شعبہ تعلقات عامہ (آئی ایس پی آر) کے مطابق بندرگاہ آمد پر جبوتی بحریہ کے حکام نے پاک بحریہ کے جہاز کا استقبال کیا۔

کمانڈنگ آفیسر پی این ایس ذوالفقار نے میزبان بحری حکام سے ملاقاتیں کیں اور کمانڈر جبوتی بحریہ اور کوسٹ گارڈز کے ساتھ پیشہ ورانہ امور پر تبادلہ خیال کیا۔

آئی ایس پی آر کا کہنا تھا کہ جبوتی کوسٹ گارڈز کے ساتھ مشترکہ بحری مشق کا انعقاد کیا گیا، اس مشق کا مقصد مشترکہ آپریشنز کی صلاحیت اور باہمی تعاون کو مزید بہتر بنانا تھا۔

آئی ایس پی آر کے مطابق بحری افواج کے دوطرفہ روابط سفارتی تعلقات میں بنیادی حیثیت رکھتے ہیں۔

مختلف ممالک کے سفیروں، دفاعی اتاشی نے پی این ایس ذوالفقار کا دورہ کیا، جبوتی کی اعلیٰ سول وعسکری قیادت نے بھی پی این ایس ذوالفقار کا دورہ کیا۔

آئی ایس پی آر کا مزید کہنا تھا کہ مقامی اور پاکستانی کمیونٹی نے بھی پی این ایس ذوالفقارکا دورہ کیا، اس دورے سے دونوں ممالک کے درمیان تعلقات کو مزید فروغ ملے گا۔