پاکستان آرمی کا دیوسائی اسکردو میں کامیاب ریسکیو آپریشن

ویب ڈیسک

15th Nov, 2024. 10:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان آرمی کا دیوسائی اسکردو میں کامیاب ریسکیو آپریشن

پاکستان آرمی نے دیوسائی اسکردو میں پھنسے مسافروں کو کامیاب آپریشن کے ذریعے ریسکیو کر لیا گیا۔

تفصیلات کے مطابق گزشتہ روز 15 مسافر 2 گاڑیوں میں گلتری سے بذریعہ دیوسائی اسکردو جا رہے تھے کہ شدید برف باری کی وجہ سے دیوسائی میں پھنس گئے۔

مسافروں کے اہلخانہ اور علاقے کے لوگوں نے مسافروں سے زمینی رابطہ منقطع ہونے کے بعد پاک آرمی سے مدد کی اپیل کی۔

پاک آرمی نے اپیل پر فوراً ہوائی اور زمینی ریسکیو آپریشن شروع کیے، پاک آرمی کی ایک ٹیم مسافروں کو ریسکیو کرنے کے لیے پیدل روانہ ہوئی۔

زمینی ٹیم نے انتہائی سرد اور برفباری کے باوجود ریسکیو آپریشن جاری رکھا اور تمام مسافروں کو کامیابی کے ساتھ ریسکیو کر لیا۔

پاک آرمی کی ٹیم مشکلات کو پار کرتے ہوئے مسافروں تک پہنچنے میں کامیاب ہوئی، پاک فوج کے 2 ہیلی کاپٹر نے بھی ریسکیو آپریشن میں حصہ لیا.

موسم کی خرابی اور شدید برفباری کے باعث ہوائی آپریشن میں مشکلات کا سامنا رہا۔

اہل علاقہ اور مسافروں کے اہل خانہ سمیت ریسکیو کئے گئے مسافروں نے پاک آرمی کا بروقت ریسکیو آپریشن کرنے پر شکریہ ادا کیا۔