وزیر اعلیٰ پنجاب مریم نواز شریف نے کہا کہ امریکا کا غلام نہ بننے کی بات کرنے والے اب جلسے میں امریکا کا جھنڈا لہراتے ہیں۔

مریم نواز نے کہا کہ جب پاکستان ترقی کرنے لگتا ہے توآپ دھرنے دینے کیوں آ جاتے ہیں؟ انکا ایجنڈا خطرناک اور سمجھ سے باہر ہے۔

ان کا کہنا تھا کہ پہلے کہتے تھےامریکہ کاغلام نہیں بنیں گے لیکن اب اپنے جلسوں میں امریکا کا جھنڈا لہراتے ہیں۔

مریم نواز نے کہا کہ آپ واحد وزیراعظم ہیں جنہیں آئینی طریقے سے نکالا گیا، آپ وزیراعظم نہیں رہے تھے تب بھی کئی بار جلسے کیے، آپکو تو جلسے کرنے سے کسی نے کبھی نہیں روکا۔

انہوں نے کہا کہ انکو اپنے مذموم مقاصد میں ناکامی ہوگی، اللہ پاکستان کو اس فتنہ سے محفوظ رکھے، انشاءاللہ پاکستان کو ترقی کرتا دیکھیں گے۔

وزیر اعلیٰ پنجاب نے کہا کہ ہم دشمنوں سے خود کی حفاظت کریں یا اپنے لوگوں سے؟ یہاں تو خیبرپختونخوا پنجاب پر حملہ آور ہے۔

مخالفین انتظار کرتے تھے کہ پاکستان ڈیفالٹ ہو جائے، پاکستان کی خاطر سخت باتوں کو بھی برداشت کرتے ہیں۔

پچھلی حکومت کے 4 سال نااہلی اورنالائقی دیکھی ہے، دنیا حیران ہے مہنگائی 38 فیصد سے7 فیصد پرآگئی ہے۔

روزانہ احتجاج اوردھرنے کی کال دی جاتی ہے لوگ کان نہیں دھر رہے، ایک گھریلو خاتون جن کا سیاست سے تعلق نہیں پاکستان پرحملہ آور ہوئیں۔

ملک پر اندورنی حملے ہو رہے ہیں، ملک کی ترقی کے راستے میں دہشتگردی رکاوٹ ہے۔

وزیر اعلیٰ پنجاب مریم نواز نے مزید کہا کہ یہ سب ایسے وقت میں ہورہاہےجب پاکستان ترقی کر رہا ہے، مجھے تو انکا ایجنڈا سمجھ نہیں آرہا ہے۔