محسن نقوی نے کہا کہ چیمپئنزٹرافی ٹورنامنٹ سے قبل قذافی اسٹیڈیم کی تکمیل کا چیلنج پورا کرنا ہے۔ یہ اسٹیڈیم اب عالمی معیارکا بننے جا رہا ہے۔

لاہورمیں چئیرمین پاکستان کرکٹ بورڈ محسن نقوی نے قذافی اسٹیڈیم کا تفصیلی دورہ کیا۔ چئیرمین پی سی بی محسن نقوی نے منصوبے پر ہونے والی پیش رفت کا جائزہ لیا۔

چئیرمین پی سی بی محسن نقوی نے پراجیکٹ کے تعمیراتی کاموں کا معائنہ کیا اورتعمیراتی کاموں پراطمینان کا اظہار کیا۔ چئیرمین پی سی بی محسن نقوی کی زیرصدارت ایف ڈبلیو اوکے کیمپ آفس میں اجلاس منعقد ہوا جس میں ڈرائنگزکےذریعے پراجیکٹ کےخدوخال کا جائزہ لیا گیا۔

وفاقی وزیرداخلہ محسن نقوی نے پارکنگ ایریا کو کشادہ رکھنے اورمین بلڈنگ کے بیرونی آؤٹ لک کو خوبصورت بنانے کی ہدایت کیں۔ چئیرمین پی سی بی نے ایف ڈبلیواواورمتعلقہ حکام کو کام مقررہ مدت میں مکمل کرنے کے حوالے سے ہدایات دیں۔

محسن نقوی نے کہا کہ چیمپئنزٹرافی ٹورنامنٹ سے قبل قذافی اسٹیڈیم کی تکمیل کا چیلنج پورا کرنا ہے۔ یہ اسٹیڈیم اب عالمی معیارکا بننے جا رہا ہے۔ کھلاڑیوں اورشائقین کرکٹ کے لئے سہولتوں کو بہتربنایا جا رہا ہے۔

ایف ڈبلیو اوکے پراجیکٹ ڈائریکٹرنے منصوبے پرہونے والی پیش رفت سے آگاہ کیا۔

چیف آپریٹنگ آفیسر پی سی بی ۔ڈائریکٹر انفراسٹرکچر۔ ڈائریکٹر ڈومیسٹک۔ سینئر جنرل مینجر انفراسٹرکچر۔ آرکیٹیکٹ۔ ایف ڈبلیو او اور نیسپاک کے متعلقہ حکام بھی اس موقع پرموجود تھے۔

قذافی اسٹیڈیم اپ گریڈیشن پراجیکٹ کا مجموعی طورپرتقریبا50 فیصد کام مکمل، انکلوژرزاورمین بلڈنگ کے فلورز کا کام تیزی سے جاری ہے۔ مین اورآفس بلڈنگ کے فلورز تکمیل کے آخری مرحلے میں ہیں۔ مین بلڈنگ میں کرکٹ میوزیم اور وونیرشاپ بھی بنے گی۔