ایدھی فاؤنڈیشن کی ایمرجنسی ہیلپ لائن 36 گھنٹوں سے بند، عوام کو مشکلات کا سامنا

ویب ڈیسک

25th Nov, 2024. 06:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایدھی فاؤنڈیشن کی ایمرجنسی ہیلپ لائن 36 گھنٹوں سے بند، عوام کو مشکلات کا سامنا

ایدھی فاؤنڈیشن کی ایمرجنسی ہلپ لائن گزشتہ 36 گھنٹوں سے بند ہے، جس کے باعث کراچی کی سب سے بڑی ایمبولینس سروس کا رابطہ عوام سے منقطع ہو گیا ہے۔

ایدھی حکام کے مطابق ہلپ لائن کی تار کٹنے کے باعث سروس معطل ہے، اور پی ٹی سی ایل محکمہ کو باقاعدہ فون اور تحریری شکایات کے باوجود اب تک سروس بحال نہیں ہو سکی۔

ایدھی حکام نے بتایا کہ اس دوران روڈ ٹریفک حادثات یا دیگر ایمرجنسی حالات میں عوام کو شدید پریشانی کا سامنا ہے، کیونکہ ایدھی فاؤنڈیشن کا عوام سے رابطہ گزشتہ 36 گھنٹوں سے منقطع ہے۔

ایدھی فاؤنڈیشن کی جانب سے پی ٹی سی ایل کو بار بار درخواست کرنے کے باوجود رابطہ بحال نہیں ہو سکا، جس کی وجہ سے مریضوں کو منتقل کرنے میں مشکلات پیش آ رہی ہیں۔

ایدھی فاؤنڈیشن کی ایمرجنسی سروس کراچی کے شہریوں کے لیے انتہائی اہم ہے، اور حکام نے پی ٹی سی ایل سے فوری طور پر سروس بحال کرنے کا مطالبہ کیا ہے۔