سندھ ہائیکورٹ کے ریگولر بینچز کی آئینی درخواستوں کی سماعت سے معذرت

عبدالحسیب خان

26th Nov, 2024. 12:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ ہائیکورٹ کے ریگولر بینچز کی آئینی درخواستوں کی سماعت سے معذرت

آئینی بینچزکیلئے ججزکی نامزدگی کے بعد سندھ ہائی کورٹ میں ریگولربینچزنے آئینی درخواستوں کی سماعت سے معذرت کرلی۔

سندھ ہائی کورٹ میں ایس بی سی اے کے معاملے پر درخواست کی فوری سماعت کی استدعا کرتے ہوئے وکیل نے کہا کہ میرا کیس آرٹیکل 199 -2 کے تحت آتا ہے۔

جسٹس صلاح الدین پنہورنے کہا کہ صوبائی حکومت یا وفاق یا ادارے کو کسی بھی کارروائی سے روکنے سے متعلق درخواستیں آئینی بینچ سنے گا، آپ جسٹس کے کے آغا سے اجازت لے لیں۔

انھوں نے کہا کہ ہم مشروط طورپراجازت دے رہے ہیں، پہلے آفس طے کریگا کہ یہ ریگولر بینچ سنے گا یا آئینی بینچ۔

عدالت نے کال اپ نوٹس، اکاونٹس ڈی فریز کرنے اور تحفظ فراہم سمیت دیگر کیسز کی سماعت سے معذرت کرتے ہوئے درخواستوں کی سماعت غیرمعینہ مدت کے لئے ملتوی کردی۔

ایف آئی آر ختم کرنے سے متعلقہ درخواست کو عدالت نے زیر دفعہ 561 کی درخواست میں تبدیل کرکے بینچ کے روبرو پیش کرنے کی ہدایت کردی۔