عمان کے 54 ویں قومی دن کی شاندار تقریب، گورنر سندھ کی مبارکباد

ویب ڈیسک

24th Nov, 2024. 10:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمان کے 54 ویں قومی دن کی شاندار تقریب، گورنر سندھ کی مبارکباد

گورنر سندھ کامران خان ٹیسوری کی ہدایت پر عمان کے 54 ویں قومی دن کو کراچی میں بھرپور انداز میں منایا گیا۔

گورنر سندھ کی ہدایت پر گورنر ہاؤس کے قریب پریس کلب چوک پر پاک عمان کا پرچم لہرایا گیا، جس سے تقریب کی رونق میں اضافہ ہوا۔

کراچی پریس کلب چوک کے اطراف کو مختلف رنگین لائٹس سے سجایا گیا، جو اس دن کی اہمیت کو مزید اجاگر کر رہے تھے۔ اس موقع پر شاندار آتشبازی کا مظاہرہ بھی کیا گیا جسے دیکھ کر لوگوں نے خوشگوار حیرت کا اظہار کیا۔

گورنر سندھ کامران خان ٹیسوری نے عمان کے قومی دن کے موقع پر عمان کے سفیر اور قونصل جنرل سمیت عمانی عوام کو دل کی گہرائیوں سے مبارکباد پیش کی۔

گورنر سندھ نے کہا کہ پاکستان اور عمان کے درمیان گہرا رشتہ ہے، جس کی جڑیں مشترکہ اقدار اور پائیدار دوستی پر مشتمل ہیں۔

انہوں نے مزید کہا کہ دونوں ممالک ایک دوسرے کے دکھ درد اور خوشیوں میں برابر کے شریک ہیں، اور یہ رشتہ ہمیشہ مضبوط و مستحکم رہے گا۔