لاہور میں دھواں چھوڑنے والی گاڑیوں کیخلاف 27 لاکھ روپے کے جرمانے

ویب ڈیسک

23rd Nov, 2024. 12:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور میں دھواں چھوڑنے والی گاڑیوں کیخلاف 27 لاکھ روپے کے جرمانے

لاہورمیں دھواں چھوڑنے والی گاڑیوں کیخلاف کارروائیوں میں چوبیس گھنٹوں کے دوران 27 لاکھ کے جرمانے کر دیے گئے۔

لاہور ہائیکورٹ کے حکم پر دھواں چھوڑنے والی گاڑیوں کےخلاف ریکارڈ کارروائیاں کی گئیں۔

سی ٹی او لاہورنے بیان میں کہا کہ وارننگ و آگاہی مہمات ختم، بس کریک ڈاؤن جاری رہے گا، 24 گھنٹوں میں دھواں چھوڑنے والی 1310 گاڑیوں27 لاکھ کے جرمانے، متعدد گاڑیاں بند کی گئیں۔

خطرناک حد تک دھوں چھوڑنے پر 705 موٹرسائیکلوں کےخلاف بھی کارروائی عمل میں لائی گئی، 105 موٹرسائیکلیں اور 91 ٹریکٹر ٹرالیاں مختلف ٹریفک سیکٹرزمیں بند کی گئیں۔

آرٹیفشل انٹیلیجنس سسٹم کی مدد سے بھی دھواں چھوڑنے والی 119 وہیکلز کو ای چالاننگ جاری کیا گیا۔ شہر میں 41 اینٹی سموگ اسکواڈز تشکیل، داخلی و خارجی راستوں پر 12 ناکے بھی قائم کیے گئے۔

کمشنرلاہورکی ہدایت پر قائم 14 انسدادِ تجاوزات کیمپس بھی مزید متحرک ہو گئے۔

عمارہ اطہرکا کہنا ہے کہ 24 نومبرتک شہرلاہور میں ہیوی ٹریفک کا داخلہ مکمل طور پر بند ہے، پابندی سے مستثنٰی گاڑیوں کو داخلہ کی اجازت ہوگی، اسموگ اور ماحولیاتی آلودگی کے خاتمے کیلئے ہم سب کو مل کر کوششیں کرنا ہونگیں۔