سول اسپتال سجاول سے ڈھائی لاکھ میں نومولود بچی خریدنے والا جوڑا کراچی سے گرفتار، بچی بازیاب

ویب ڈیسک

06th Nov, 2024. 07:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سول اسپتال سجاول سے ڈھائی لاکھ میں نومولود بچی خریدنے والا جوڑا کراچی سے گرفتار، بچی بازیاب
مغربی سرحد پر کشیدگی ، وزیراعظم نے اجلاس طلب کر لیا ، اہم فیصلے متوقع
پاکستان اور افغانستان کے درمیان دوحہ میں مذاکرت آج ہونگے، طالبان رجیم کی تصدیق
پاکستان کی کریڈٹ ریٹنگ میں بہتری اصلاحاتی اقدامات کا عالمی اعتراف ہے، وزیرِ خزانہ

Now Reading:

سول اسپتال سجاول سے ڈھائی لاکھ میں نومولود بچی خریدنے والا جوڑا کراچی سے گرفتار، بچی بازیاب

سجاول کے سول ہسپتال سے لیڈی ہیلتھ ورکر سے ڈھائی لاکھ میں نومولود بچی خریدنے والے جوڑے کو کراچی سے گرفتار کر کے نومولود بچی کو بازیاب کرا لیا گیا۔

پولیس ترجمان کے مطابق کراچی کے علاقے کیماڑی سے کیماڑی پولیس نے کارروائی کرکے دو میاں بیوی ملزمان کو گرفتار کر کے بچی کو بازیاب کرا لیا، دونوں ملزمان میاں بیوی شازیہ اور اعجاز کا تعلق ٹھٹھہ سے ہے۔

پولیس کے مطابق ملزمان نے نومولود بچی سجاول کی لیڈی ہیلتھ ورکر تسلیم سے خریدنے کا انکشاف کیا ہے، ملزمان نے 2019 میں بھی سجاول سول ہسپتال کی مذکورہ لیڈی ہیلتھ ورکر سے بچہ خرید کر فروخت کا انکشاف کیا ہے۔

ملزمان نے پولیس کو بتایا کہ لیڈی ہیلتھ ورکر تسلیم سے بچی ڈھائی لاکھ روپے میں خریدی، بچی کو کراچی کی بے اولاد خاتون عاصمہ کو 8 لاکھ روپے میں فروخت کرنے کے لئے لیا گیا تھا۔

پولیس نے ملزمان کو گرفتار کرکے مقدمہ درج کر لیا ہے۔

ڈی ایچ او سجاول ڈاکٹر محمد حنیف میمن کا کہنا ہے کہ سول ہسپتال سجاول سے بچہ اغوا کرکے فروخت کرنے کی تحقیقات کے لئے کمیٹی تشکیل دے دی ہے۔

انہوں نے مزید کہا کہ کمیٹی کی رپورٹ کے بعد مزید قانونی کاروائی کی جائے گی۔