آل پاکستان پرائیویٹ اسکولز مینجمنٹ ایسوسی ایشن خواتین ونگ کی صدر سکینہ تاج کا پنجاب میں اسموگ کے باعث تعلیمی اداروں کی بندش پر ردعمل سامنے آ گیا۔

خواتین ونگ کی صدر سکینہ تاج نے کہا کہ اسموگ کیوجہ سے پنجاب بھر میں تعلیمی نظام کی بندش بنیادی آئینی حق کے منافی ہے۔

انہوں نے کہا کہ اسموگ و آلودگی کے ذمےدار کرپٹ ادارے، دھواں دار انڈسٹریز، فوسل فیولز اور دھواں دار ٹرانسپورٹ ہے۔

 ان کا کہنا تھا کہ کسی بھی ہنگامی صورتحال سے نمٹنے کے لیے  تعلیم  کو فوری طور پر بند کرنا ہمیشہ حکومتی ترجیحات میں شامل رہا ہے۔

خواتین ونگ کی صدر سکینہ تاج نے کہا کہ راولپنڈی ڈویژن میں اسموگ کی صورتحال اتنی خراب نہیں ہے لہذا اس فیصلے پر نظر ثانی کی جائے۔

سکینہ تاج کا کہنا تھا کہ آرٹیکل 25-A  کے تحت تعلیم حاصل کرنا ہر بچے کا بنیادی آئینی حق ہے،جوکسی صورت معطل نہیں ہو سکتا ہے۔

 اسٹڈی کے اعتبار سے یہ وقت بچوں کے لیے انتہائی اہم ہے۔ تعطیلات سے تعلیمی اداروں میں مڈٹرم امتحانات  کا شیڈول متاثر ہوگا۔

 ان کا کہنا تھا کہ اسکولز بند کرنے کی بجائےگرین اسکولز، گرین انرجی کو فروغ دیں، ملک بھر تدریس کا سلسلہ بند ہونے پر گھر سےآن لائن تعلیم کی سہولت محض 5% ایلیٹ طبقہ کے بچوں کومیسر ہوگی۔

آل پاکستان پرائیویٹ اسکولز مینجمنٹ ایسوسی ایشن خواتین ونگ کی صدر سکینہ تاج نے مزید کہا کہ اسموگ تدارک کے لیے حکومت کو اسکولز بند کرنے کی بجائے لازم ماسک اوراوقات کار محدود کرنےکی تجویز پیش کی جاتی ہے